影片
更多
2023-05-06
2651 瀏覽
【黃大仙區】【手拉麵小廚】七一嗰日橫風橫雨，唔想將自然現場扣落社會環境度，其實咪又係好平凡嘅一日。不過有啲人中意形式主義，整色整水去話畀人聽自己嘅理念云云。我嘅睇法就好簡單，以嗰個人嘅行為嚟判定佢嘅諗法，唔係得把口。大雨之下，唔係咁容易可以好似《老是一件令人回味的事》咁浪漫，避一避雨最好嘅做法當然係坐低食嘢。最經典嘅避雨事蹟當然係喺新加坡 Queensway 嗰次，為避雨入返商場食碗叻沙，好食到之後再特登去幾次。今次喺新蒲崗避雨避咗入嚟呢間京川滬菜館裡面，坐低發現佢冇套餐，而且間嘢有陣味咁，唔係好妥當。不過坐低咗就由佢啦，好好醜醜都係一次貨仔嘅啫。見到散叫啲嘢都幾貴，小籠包五十蚊得五隻，但係間嘢坐滿架喎。咁我叫碗「羊肉湯拉麵」試試啦，$60 都唔係平架，不過一鑊半鑊是但。上到嚟見到都唔細碗，但個湯勁香，影陣相畀大家睇嘅時候個湯已經開始「瓊」油，嘩，一定係好嘢！食落羊肉勁香，麵又軟糯，好啱食，勁快食晒。之後就到 $50 嘅「招牌小籠包」五隻，圍埋十蚊隻，但隻隻都大大隻，小心夾起冇漏汁。我一啖啪落去，嘩，肉汁勁多，而且肉質都正。自從上海城隍廟、臺北鼎泰豐之後，好少食到咁好嘅小籠包，之後試吓
大雨之下，唔係咁容易可以好似《老是一件令人回味的事》咁浪漫，避一避雨最好嘅做法當然係坐低食嘢。最經典嘅避雨事蹟當然係喺新加坡 Queensway 嗰次，為避雨入返商場食碗叻沙，好食到之後再特登去幾次。
今次喺新蒲崗避雨避咗入嚟呢間京川滬菜館裡面，坐低發現佢冇套餐，而且間嘢有陣味咁，唔係好妥當。不過坐低咗就由佢啦，好好醜醜都係一次貨仔嘅啫。見到散叫啲嘢都幾貴，小籠包五十蚊得五隻，但係間嘢坐滿架喎。
咁我叫碗「羊肉湯拉麵」試試啦，$60 都唔係平架，不過一鑊半鑊是但。上到嚟見到都唔細碗，但個湯勁香，影陣相畀大家睇嘅時候個湯已經開始「瓊」油，嘩，一定係好嘢！食落羊肉勁香，麵又軟糯，好啱食，勁快食晒。
之後就到 $50 嘅「招牌小籠包」五隻，圍埋十蚊隻，但隻隻都大大隻，小心夾起冇漏汁。我一啖啪落去，嘩，肉汁勁多，而且肉質都正。自從上海城隍廟、臺北鼎泰豐之後，好少食到咁好嘅小籠包，之後試吓點汁食都係正。
飲品我揀豆漿，得「枝漿豆裝」，我連字都打錯埋，係壹品豆漿，$10。啲嘢好食，諗住叫個 $58 嘅「醉雞翼」返公司慢慢吮，問吓阿姐有幾多隻，佢話兩隻。咩話？五十八蚊兩隻醉雞翼？咁樣，我堂食得啦，使乜攞走啫。
點知一上菜，嘩，呢碟甚麼東西呀，咁大碟！原來係雞全翼連雞槌成份咁上，遠超預期呀。味道上，酒味濃，雞味足，呢個價絕對收貨。最後係食咗我 $178，但我完全唔覺得貴，真心除咗個豆漿係入貨嘅，樣樣都幾高質。。。
（地址：九龍新蒲崗衍慶街48號衍慶大廈地下）
#1amfoodie #foodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #啟德 #新蒲崗 #手拉麵小廚 #羊肉湯拉麵 #招牌小籠包 #豆漿 #醉雞翼 #1ambackup #1am0720
張貼
