影片
更多
2023-05-06
2001 瀏覽
【黃大仙區】【濃姐茶餐廳】新蒲崗不嬲出晒名多嘢食，我作為一個茶餐廳 foodie，之前都食過時代、肥仔銘等等，咁梗係要再探討吓。行到近 mikiki 嗰邊就見到呢間濃姐，乜都冇理就入咗去，估唔到喺大型商場旁邊，都會有一間咁嘅茶記。入到去見佢哋搞緊冷氣機滴水嘅嘢，都體諒嘅，呢啲算係意外，唔係日日係咁。最特別嘅地方係周圍都貼滿香港情懷，好多老照片似係懷緬緊過去。而茶餐廳應該有嘅電視機佢都有，下面仲貼咗張紙寫住「NO CCTVB」，勁黃。就算佢係扮黃，起碼佢都扮到底，好過有啲扮都唔扮吓直接同政府合作啦，唔講咁多，食嘢。下午茶時段都可以食「抵食早餐」，「沙嗲牛肉麵」、「雙腸奄列方包」烘底、「熱奶茶」加埋 $35，價錢上嚟講真係非常抵食。味道上，個沙嗲牛麵冇乜嘢突出，正正常常。個配菜除咗奄烈多士仲有兩條腸，廚師腸嚟，增添咗風味。隻蛋炒得幾好，生熟程度拿揑得唔錯，而件多士都係正常啦。杯「熱奶茶」都唔差，仲要係用玻璃杯裝，大杯得嚟特別。黃藍唔影響味道，不過促成咗二訪，第二次去到食個「花生醬西多士」，大家慣咗睇西多嘛，而且我又有啲想食咁囉，哈！味道都係正常啦，我加煉奶，水準係比較穩定嘅。今次又係飲「熱
入到去見佢哋搞緊冷氣機滴水嘅嘢，都體諒嘅，呢啲算係意外，唔係日日係咁。最特別嘅地方係周圍都貼滿香港情懷，好多老照片似係懷緬緊過去。而茶餐廳應該有嘅電視機佢都有，下面仲貼咗張紙寫住「NO CCTVB」，勁黃。
就算佢係扮黃，起碼佢都扮到底，好過有啲扮都唔扮吓直接同政府合作啦，唔講咁多，食嘢。下午茶時段都可以食「抵食早餐」，「沙嗲牛肉麵」、「雙腸奄列方包」烘底、「熱奶茶」加埋 $35，價錢上嚟講真係非常抵食。
味道上，個沙嗲牛麵冇乜嘢突出，正正常常。個配菜除咗奄烈多士仲有兩條腸，廚師腸嚟，增添咗風味。隻蛋炒得幾好，生熟程度拿揑得唔錯，而件多士都係正常啦。杯「熱奶茶」都唔差，仲要係用玻璃杯裝，大杯得嚟特別。
黃藍唔影響味道，不過促成咗二訪，第二次去到食個「花生醬西多士」，大家慣咗睇西多嘛，而且我又有啲想食咁囉，哈！味道都係正常啦，我加煉奶，水準係比較穩定嘅。今次又係飲「熱奶茶」，咁樣 $28，一貫嘅抵食。。。
（地址：新蒲崗崇齡街91-93號安強大樓地舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tastyfood #foodpics #followforfollowback #love #eat #1am黃大仙區 #濃姐茶餐廳 #茶餐廳 #啟德 #鑽石山 #新蒲崗 #抵食早餐 #沙嗲牛肉麵 #雙腸奄列方包 #熱奶茶 #花生醬西多士 #黃店 #1am0795 #1ambackup
張貼
