點點甜 (已結業)

女人係有兩個胃, 食完dinner之後當然要食返個甜品啦! 行經豉油街發現有間好細既甜品店, 部分價錢仲係超平tim~ 我地一共order左三個甜品:【紫薯心太軟配雪糕】HK$56朱古力心太軟食得多, 紫薯心太軟都係第一次食, 不過心太軟冇焗完既香脆感, 反而有鬆軟口感, 類似平時食既日式紅豆餅既餅皮, 切開心太軟, 紫薯蓉慢慢流出, 質感較杰, 但紫薯唔算太突出~【草莓法式千層酥配雪糕】HK$54我地認為呢款係今晚最好食既甜品, 三塊千層酥夾住微甜既吉士醬, 千層酥超級鬆化, 咬開時脆得有聲, 另有酸酸甜甜既士多啤梨同埋雪糕球做點驟, 整體味道唔算太甜, 不錯!!【芋圓仙草盛配芋泥】HK$30呢款平價甜品為春季限定款, 單睇外表已經覺得好豐富, 包括仙草、西米、芋圓、小丸子、紅豆、黑珍珠~ 不過order左個凍既, 黎到其實碗野係常溫。芋泥質感帶黏, 芋頭味突出且帶點微甜, 配上煙煙韌韌既黑珍珠、芋圓同小丸子, 較為林身既紅豆、仙草同埋紅豆, 一個價錢食到不同款式, 不同味道, 不過如果冷熱程度分明, 整體會更加好。