影片
更多
2023-03-27
1104 瀏覽
太古城中心溜冰場隔離有間西式快餐，只係同溜冰場隔住一塊玻璃，邊食邊望住人溜冰都幾有趣。店入面好多嘢都係自助，自助落單同拎餐具，不過就係店員送菜，唔洗等number，上餐都幾快。💡脆炸魚柳漢堡 $45 + 香辣薯條 $12Burger 嚟講，我會鍾意食炸魚柳多過漢堡肉，因為更有口感，但唔係好多地方有同好味。呢間就正到令我返轉頭食過幾次😍成舊係偏細舊，但魚柳大過包，保證啖啖有肉。魚柳炸得香脆唔會太硬，咬落有魚香仲有肉汁，配埋其他配菜真係好好食。香辣薯條真係必點，香辣粉令成件事超惹味，薯條係粗身，放耐咗都仲好脆。💡蜂蜜檸檬薑烏龍茶 $33呢個組合每一樣嘢我都鍾意，但就未見過佢哋合埋一齊。抱住試伏心態，但竟然好有驚喜😍檸檬同薑本身都幾夾，辣得嚟少少酸，好清新，加返蜂蜜嘅甜同烏龍嘅少少苦澀，竟然係咁好飲。調味上算係側重薑味多於檸檬，所以對我呢啲薑控係勁開心，但如果唔鍾意薑味就唔好揀了。
💡脆炸魚柳漢堡 $45 + 香辣薯條 $12
Burger 嚟講，我會鍾意食炸魚柳多過漢堡肉，因為更有口感，但唔係好多地方有同好味。呢間就正到令我返轉頭食過幾次😍成舊係偏細舊，但魚柳大過包，保證啖啖有肉。魚柳炸得香脆唔會太硬，咬落有魚香仲有肉汁，配埋其他配菜真係好好食。香辣薯條真係必點，香辣粉令成件事超惹味，薯條係粗身，放耐咗都仲好脆。
💡蜂蜜檸檬薑烏龍茶 $33
呢個組合每一樣嘢我都鍾意，但就未見過佢哋合埋一齊。抱住試伏心態，但竟然好有驚喜😍檸檬同薑本身都幾夾，辣得嚟少少酸，好清新，加返蜂蜜嘅甜同烏龍嘅少少苦澀，竟然係咁好飲。調味上算係側重薑味多於檸檬，所以對我呢啲薑控係勁開心，但如果唔鍾意薑味就唔好揀了。
張貼
