影片
更多
2023-05-03
775 瀏覽
我本身唔太食澱粉質，淨係鐘意食「傻」仔(薯仔)🤓 雖然今次影得唔靚，但係都要照𝐩𝐨𝐬𝐭!平時喺旺角好少可以搵到一啲靜啲、價錢又合理嘅cafe，咁啱就搵到一間喺麥花臣匯遊樂場協會中心入面嘅小店，上到去會有少少疑惑，淨係見到社區中心嘅格局，但係又搵唔到間餐廳，鼓起勇氣行咗入去先搵到～餐廳嘅座位唔算好多，而且負責人只係得兩個，佢哋就負責晒煮嘢食同埋送餐，平時都有唔少家長喺中心活動完咗之後帶埋小朋友一齊去食，所以見到兩位負責人都好忙，上菜會慢少少，如果有機會去試吓嘅話就唔好介意，坐低同朋友傾吓計慢慢等！ 店員都好有禮貌同耐性解答客人嘅問題(⁎⁍̴̛ᴗ⁍̴̛⁎) 餐廳主打薯仔嘅菜式，周圍都有啲壁報板講吓有關薯仔一啲資訊，食物種類不多，但絕對用心製作，即叫即做！==============================〖 蒜香大蝦意粉🍝 〗💰𝟔𝟓 | 🜸 𝟑.𝟒/𝟓用呢個價錢可以食到意粉簡直係抵到爛，本來對佢嘅食物質素唔會有好大期望，但係食落之後都幾有驚喜，絕對對得住呢個價錢！意粉軟硬適中，一碟意粉有5-6隻大蝦，粒粒都係好爽口彈牙，個意粉嘅份量好多，用蒜蓉做調味料令到意粉好香好惹味，仲有少少辣，食落亦
我本身唔太食澱粉質，淨係鐘意食「傻」仔(薯仔)🤓 雖然今次影得唔靚，但係都要照𝐩𝐨𝐬𝐭!
平時喺旺角好少可以搵到一啲靜啲、價錢又合理嘅cafe，咁啱就搵到一間喺麥花臣匯遊樂場協會中心入面嘅小店，上到去會有少少疑惑，淨係見到社區中心嘅格局，但係又搵唔到間餐廳，鼓起勇氣行咗入去先搵到～餐廳嘅座位唔算好多，而且負責人只係得兩個，佢哋就負責晒煮嘢食同埋送餐，平時都有唔少家長喺中心活動完咗之後帶埋小朋友一齊去食，所以見到兩位負責人都好忙，上菜會慢少少，如果有機會去試吓嘅話就唔好介意，坐低同朋友傾吓計慢慢等！ 店員都好有禮貌同耐性解答客人嘅問題(⁎⁍̴̛ᴗ⁍̴̛⁎) 餐廳主打薯仔嘅菜式，周圍都有啲壁報板講吓有關薯仔一啲資訊，食物種類不多，但絕對用心製作，即叫即做！
==============================
〖 蒜香大蝦意粉🍝 〗💰𝟔𝟓 | 🜸 𝟑.𝟒/𝟓
用呢個價錢可以食到意粉簡直係抵到爛，本來對佢嘅食物質素唔會有好大期望，但係食落之後都幾有驚喜，絕對對得住呢個價錢！意粉軟硬適中，一碟意粉有5-6隻大蝦，粒粒都係好爽口彈牙，個意粉嘅份量好多，用蒜蓉做調味料令到意粉好香好惹味，仲有少少辣，食落亦都唔會好油膩，不過就略嫌乾左少少。伴碟仲有沙律(～o￣3￣)～
蒜香大蝦意粉
$65
32 瀏覽
1 讚好
0 留言
蒜香大蝦意粉
$65
13 瀏覽
0 讚好
0 留言
〖 芝士鹹牛肉洋蔥焗薯🥔 〗💰𝟓𝟒 | 🜸 𝟑.𝟖/𝟓
呢個焗薯應該係佢哋嘅招牌菜，本身用薯仔來做主菜冇諗過會飽，但原來食原個焗薯都已經好滿足！薯仔應該冇過多嘅調味，完全唔會好似出面嗰啲甘落勁多醬，所以好食得出薯仔本身嘅味道，加埋鹹牛肉、洋蔥、紅椒，好香好有口感，再加埋芝士片嘅少少奶味，真係好好食！
芝士鹹牛肉洋蔥焗薯
$54
14 瀏覽
1 讚好
0 留言
芝士鹹牛肉洋蔥焗薯
$54
13 瀏覽
0 讚好
0 留言
〖 紫薯鮮奶🍠 〗+💰𝟐𝟑 | 🜸 𝟑.𝟗/𝟓
餐廳負責人話紫薯鮮奶係佢哋最出名嘅飲品，好多人嚟到都會叫，而且如果佢哋得閒嘅話仲會喺上面拉花拉隻熊仔添！呢個紫薯鮮奶的確有佢嘅人氣之處，一飲就飲到個層次，分別係頂層係奶泡，下層係幼滑嘅紫薯鮮奶，帶天然嘅紫薯香氣，質感濃稠柔順，帶微微粉粒感，完全感受到用新鮮紫薯打成，同奶味嘅融合剛剛好，就連朋友唔飲奶都覺得好飲！而且絕對唔係坊間嘅死甜，整體清爽不甜膩～好 想 再 飲 (๑꧆◡꧆๑)
紫薯鮮奶
18 瀏覽
0 讚好
0 留言
〖 熱情果蝶豆梳打🍹 〗+💰𝟐𝟏 | 🜸 𝟑.𝟔/𝟓
熱情果蝶豆梳打都係好多人嗌，一來係因為飲品嘅顏色都幾特別，由橙色漸變至紫色，打卡一流(⁎⁍̴̛ᴗ⁍̴̛⁎)當然佢嘅味道都唔錯，飲落去有淡淡的蝶豆花甜香味，然後個底又會有少少熱情果嘅酸甜味，好清新開胃！
熱情果蝶豆梳打
13 瀏覽
0 讚好
0 留言
————————————————————————————
評分🌟(10分最高💯)
價錢💰: 8.5/10
味道👅: 7.5/10
環境🌱: 7/10
回頭❣️: 6.5/10
服務👀: 8/10
人均消費: $70
想睇多啲好西就記住☟
꧁Follow @hknous.foodie꧂
🔍 店舖資料
🥔 𝐏𝐨𝐭𝐚𝐭𝐨𝐩𝐢𝐚
📍 旺角奶路臣街38號麥花臣匯3樓
⏰ 𝐓𝐡𝐮𝐫-𝐅𝐫𝐢: 𝟏𝟏:𝟑𝟎-𝟏𝟕:𝟑𝟎
⏰ 𝐒𝐚𝐭: 𝟏𝟎:𝟎𝟎-𝟏𝟕:𝟑𝟎
⏰ 𝐒𝐮𝐧: 𝟏𝟎:𝟎𝟎-𝟏𝟕:𝟎𝟎
☎️ 𝟗𝟎𝟒𝟕 𝟖𝟒𝟎𝟑
🔍 想搵同類型嘅餐廳𓂀✍
⌫ #eatwithnous_旺角
⌫ #eatwithnous_cafe
#foodie #hkfoodie #hkfood #instafood #potato #hkgirl #hkdaily #photography #hongkong #sweetpotato #pasta #cafe #potatopia #mongkok #薯仔 #美食 #相機食先 #吃貨 #打卡 #手機食先 #旺角美食 #小店
張貼
