影片
更多
2021-12-12
821 瀏覽
今日同大家介紹呢間嚟自台灣嘅「無老鍋」，今個月已經正式登陸銅鑼灣喇～全場8,000呎，設有VIP房。重點係店內嘅鴨血同麵包豆腐都係任食㗎！而且基本上可以唔洗蘸醬汁（有一樣配料除外，拉下睇），因為湯底已經好夠味。飯後每人仲有一杯水蜜桃沙冰解膩，好貼心💕✨以下為大家重點推介14款❤️❤️❤❤❤美味指數嘅必試湯底、配料、小食與飲品🤤✨✍🏻 / 湯底：鴛鴦鍋（冰淇淋豆腐鍋+無老辣香鍋）💵價錢：HK$78/位（+HK$88/枱）👉🏻冰淇淋豆腐鍋：其實姐係麵包豆腐白湯鍋再附人頭數量嘅冰淇淋豆腐（原價HK$10/粒）。冰淇淋豆腐煮大約15分鐘就食得，口感綿滑，唔錯～根據店鋪網站介紹，湯底係先用咗雞骨、豬大骨、洋蔥、青蔥、薑、蒜頭等食材熬製而成，再加入多款中藥香辛料，例如紅棗同枸杞。👉🏻 無老辣香鍋：比起冰淇淋豆腐鍋，我更推薦呢款湯底！湯底辣度分大、中及小，店員建議先由小辣開始食，因為辣度可以隨時調節。我哋由小辣食到中辣，但其實都唔會辣到入唔到口，對我嚟講啱啱好。如果你係嗜辣之人，可能大辣先滿足到你喇～根據店鋪網站介紹，無老辣香鍋湯底先由第一階段中藥香辛料熬製，再併第二階段中藥香辛料，熬出獨特口味，最後先
以下為大家重點推介14款❤️❤️❤❤❤美味指數嘅必試湯底、配料、小食與飲品🤤✨
✍🏻 / 湯底：鴛鴦鍋
（冰淇淋豆腐鍋+無老辣香鍋）
💵價錢：HK$78/位（+HK$88/枱）
👉🏻冰淇淋豆腐鍋：其實姐係麵包豆腐白湯鍋再附人頭數量嘅冰淇淋豆腐（原價HK$10/粒）。冰淇淋豆腐煮大約15分鐘就食得，口感綿滑，唔錯～根據店鋪網站介紹，湯底係先用咗雞骨、豬大骨、洋蔥、青蔥、薑、蒜頭等食材熬製而成，再加入多款中藥香辛料，例如紅棗同枸杞。
👉🏻 無老辣香鍋：比起冰淇淋豆腐鍋，我更推薦呢款湯底！湯底辣度分大、中及小，店員建議先由小辣開始食，因為辣度可以隨時調節。我哋由小辣食到中辣，但其實都唔會辣到入唔到口，對我嚟講啱啱好。如果你係嗜辣之人，可能大辣先滿足到你喇～根據店鋪網站介紹，無老辣香鍋湯底先由第一階段中藥香辛料熬製，再併第二階段中藥香辛料，熬出獨特口味，最後先加入洋蔥、青蔥、薑、蒜頭、雞骨、豬大骨一齊煮。
✍🏻 / 配料：麵包豆腐
💵價錢：HK$0（無限添加）
好多窿窿嘅豆腐，最啱配冰淇淋豆腐鍋，吸盡湯底精華與鮮味🍦✨
✍🏻 / 配料：鴨血
💵價錢：HK$0（無限添加）
最啱配無老辣香鍋，嘆吓台灣麻辣鴨血風味，出面一包都唔平㗎麻～呢度仲可以任食喎🦤✨
✍🏻 / 配料：特選牛拼盤
💵價錢：HK$618/5人份
可以試到4個部位，但我都唔知自己食緊咩部位，只係知道牛肉輕輕一滾已經食到應有嘅肉味，而且肉質軟嫩🐂✨
特選牛拼盤
$618
59 瀏覽
0 讚好
0 留言
✍🏻 / 配料：手切牛黃喉
💵價錢：HK$98
食完特選牛拼盤後，再特別追加嘅配料之一。手切成薄片，每份大約有12片，食落脆嫩爽口！但係我而家先知道牛黃喉原來係牛嘅大血管，由於係內臟部位，建議煮3至5分鐘先食（好彩我都有煮耐啲先食姐）。比起脆嫩嘅牛黃喉，我更愛滑溜溜嘅牛骨髓，不過呢間火鍋店就暫時未見有😝✨
手切牛黃喉
$98
32 瀏覽
0 讚好
0 留言
✍🏻 / 配料：精選海鮮拼盤
💵價錢：HK$268
有4隻海蝦、2隻扇貝、4隻帶子及4隻蠔，相當豐富，擺盤吸引！雖然我怕敏感，只係食咗1隻蠔，但佢嘅肥美鮮甜都滿足我了💕✨
精選海鮮拼盤
$268
68 瀏覽
0 讚好
0 留言
✍🏻 / 配料：老油條（6條）
💵價錢：HK$68
雖然話1份有6條，但其實每條只有平時1份油炸鬼嘅份量，再切成6小條，所以呢個價錢嚟講比較貴。但咁貴係有原因㗎！店鋪指老油條係台灣直送～我食完之後都念念不忘，放落無老辣香鍋湯底滾約5秒，食落又熱、又脆、又有湯汁，正！或者下次自己喺屋企打邊爐都可以買油炸鬼嚟試一試😝✨
老油條（6條）
$68
3 瀏覽
0 讚好
0 留言
✍🏻 / 配料：午餐肉（8件）
💵價錢：HK$48
冇錯，幾乎每次我介紹火鍋都會有午餐肉～而今次更特別推薦嘅食法係蘸店內嘅醬汁食，包括辣椒、蔥花、蒜汁、特調醬油、白醋同麻油，酸酸咪咪好好味😋💕
✍🏻 / 配料：香滑蛋餃（8隻）
💵價錢：HK$78
好似係我第一次食蛋餃～用雞蛋做嘅餃子皮滑滑哋，而且咁樣滾居然冇散開。咬開一半，啲湯汁滴滴下嘅畫面幾療癒☺️✨
✍🏻 / 配料：彈牙墨魚棒（6條）
💵價錢：HK$68
冇改錯名，食落真係彈牙㗎～而且都算幾大條，推薦👍🏻✨
✍🏻 / 配料：爽脆鵝腸
💵價錢：HK$88
望落洗得好乾淨，又係冇改錯名嘅配料之一，食落爽脆，唯獨份量對我嚟講偏小🙋🏻♀️✨
✍🏻 / 小食：脆炸手工韮菜餃（6件）
💵價錢：HK$48
發現呢間店都幾多菜式係手工～脆卜卜嘅餃子，鐘意食韮菜嘅可以一試🥟✨
✍🏻 / 飲品：招牌枸杞菊花露（走甜）
💵價錢：HK$108/勻
清香嘅菊花加埋枸杞，一邊食野，一邊飲返杯降吓肝火，打邊爐啱曬🥃✨
張貼
