Poke Go (汕頭街)

營業中

休息中

去灣仔食Dinner但又唔想食啲咁heavy嘅野，同行嘅朋友就推介左我食呢間係汕頭街嘅Poke Go! 入到去見到環境都不錯，位置好寛敞！而且仲有得坐窗邊望住條街食，夜晚都幾有feel~ONO： 選擇困難嘅我就揀咗舖頭比嘅combination, 有三文魚，青瓜，雞蛋絲，蟹柳沙律同果仁芝麻醬✨每一啖都可以感受到唔同層次嘅味道，全部野都好夾！青瓜，蟹柳沙律同個芝麻醬令到成碗poke bowl好fresh，食哂都唔會有好膩嘅感覺😋配料嘅份量都好足夠，差啲就食唔哂！🤣自選poke bowl: 自己配搭poke bowl都幾得意！最衰真係太多選擇，搞到諗咗好耐😂今次揀咗三文魚，青瓜，枝豆同山葵乳酪醬。最surprise到我嘅唔係配料而係個醬！一食落口有淡淡嘅Wasabi味同少少少乳酪酸甜味，真係估你唔到咁夾❤️個醬勁開胃令到成個飯昇華哂🌸下次黎都一次會再叫呢個山葵乳酪醬！食哂成碗真係好飽，但唔會有油膩感🥰黎灣仔嘅朋友可以一試！健康又好味🥰唔想食咁多碳水嘅話可以揀沙律菜唔要飯，啱晒on diet嘅人！😋