魂 (已搬遷) 新店位置

見好多報紙雜誌推介過......成日想試下。之前平安夜過日未到2點半「截左龍」！無得食。之後去左四次都摸「門釘」。今日12點零去過，又因為電力故障，要4點再開。5點幾返去。已經有20幾人排。(去到後面印X商店) 我排左10幾分鐘，店員說有一位坐，我入左去。終於等到了。好快可以點餐。我點了「魂」，硬麵。等嘅時候影左d相。裡面略為「迫狹」，郁一郁都有d難.....好快5分鐘左右有得食。一嚟先飲湯，有豬骨味，夠「杰」！麵質、玉子、叉燒等材料都尚可。雖則有豬骨湯味，可惜是湯底略為咸，食完過左一陣已經感覺口渴.......失色不少.......希望大，失望大.......總的來說，拉麵湯底破壞了一切，再好的材料也是「徒然」......期望店子可以改善。