一鍋瘋 (已結業)

經過旺角想打邊爐，見到間小店有一人一鍋火鍋，就入去試188蚊一位，包十款時令海鮮。突然間想食海鮮同打邊爐嘅朋友就岩。首先店員會叫我哋揀選湯底，我哋揀咗椰子湯底及粟米湯底，因為最後會將個湯底精華煮成粥底。海鮮份量比想像中少，海鮮二人份量，若只食海鮮應該會唔夠飽，建議再叫配料。今日海鮮有鮑魚、蝦、大蜆、沙白、帶子、青口、北寄貝、生蠔、蟹及魷魚。海鮮種類多份量就唔算多。最新鮮就係蝦。火鍋配料係十二蚊一碟，我哋加配咗午餐肉、蟹子丸、響鈴、菜。小小碟啱曬啲想叫唔同款式又怕食得好飽嘅朋友。最後店員就會幫你整個粥底，味道比較清淡健康，要放少少調味。