築間酸菜魚

呢個品牌由黎自台灣，相信佢既出品都有D質素。最重要係呢到既酸菜魚係有得簡小份，一個人都食得。因本人唔太食得辣，好多時同朋友食酸菜魚都好難就到個辣度。係呢到食就冇問題，自己叫自己個份又得。極道明太子奶香魚 (小份)終於有D新口味既魚，而且又唔辣。作為明太子愛好者都覺得配魚片食好OK，入面仲有大量海鮮，有魷魚，蜆，青口，大蝦，好似海鮮湯咁，所以好清甜。個湯唔會做到勁creamy，所以食落都唔會好膩，唔辣之選!總長酸菜魚(小份)鐘意食辣既朋友都可以簡番最basic個款既酸菜魚，酸菜好食! 魚片無骨! 雖然冇得簡辣度，但朋友食落話岩岩好。仲有D寛粉，吸曬湯汁。呢到既炸物都幾出色同埋好抵食，$20-30一份，我地叫左甜不辣同埋鹽酥雞，2款都好食，炸皮又唔厚。士多啤梨奶凍又估唔到幾好食，有爆珠又有士多啤梨蓉，奶凍都好滑。蜂蜜檸檬水大大杯，清新又好飲。而家係openrice收藏店鋪仲會送指定飲品! 好抵