上海麵家 (已結業)

朋友介紹黎到呢間餐廳，佢話呢間鋪已經好多年，佢亦都好鍾意食，食左好幾年，我一次都無食過，適逢有一晚到元朗睇戲，一個人又唔知食咩好，所以決定試一試。這店的裝修很簡單，星期三晚飯時間7點，只有4,5個食客。我叫左酸辣水餃粗麵$37+炸銀絲卷$14。大大碗，好好味，酸辣配料非常足料，配有4隻韭菜豬肉餃，麵質爽口。另外炸銀絲卷即叫即炸，新鮮熱辣香脆可口，配上煉奶，好好味，以這價錢的確高質素。朋友果然無介紹錯！