上海麵家 (已結業)

和其他老店一樣，總有許多老街坊支持，突然收到消息8/8光榮結業，無不悕憈。於是在最後一個營業日前來懷舊一下。口味各有不同，我最喜愛的還是它的蔥油煎餅🥞和韮菜餅。和唯一麵家的蔥油餅相似，上海麵家的蔥油餅是一塊薄薄的、充滿香蔥的脆煎餅。能在最後一天吃到新鮮煎出的蔥油餅，真覺得非常欣慰！家人最喜愛的是它的酸辣湯，買了兩碗回家做晚餐，一家人都吃得開開心心。臨別時還跟老闆和資深姨姨打招呼和拍照留念，祝 願他們亦身體健康！

呢度基本上係我飯堂，佢嘅小籠包、牛肉餅、粢飯、餃子麵、擔擔麵、豆漿都試過，選擇多價錢相宜味道亦好好。泡菜蛋炒飯 ($46)上碟見到炒飯粒粒分明，加埋紅紅地嘅泡菜醬，感覺好開胃，好多時口淡淡冇乜胃口就會叫黎食。泡菜夠勁，炒飯粒粒分明，加埋蛋液同肉碎，十分1惹味。而且一碟好大份，足夠兩個人食。香菇素菜水餃 🥟 ($34)屋企有人食素，而佢呢度嘅素餃每日新鮮製造，十分好吃。入面嘅香菇同埋各種蔬菜都好新鮮爽脆，咬落索索聲，調味亦香口。好多時見店面姐姐都喺度包緊餃子。但係因為供應有限，有時下午就賣曬。好多時我都會打定電話問仲有冇貨然後來取。堂食嘅話會配麵吃；外賣拎走返屋企，就會原盒放喺雪櫃，隨時想食就拎出黎煎或煮。推介俾附近食素嘅街坊😋

好耐無去元朗，今晚約咗人交收，順便食晚餐。本身我都鍾意食上海嘢，有一次無意中經過呢間舊式上海麵店，有好幾款麵和包點都想試，之前食過擔擔麵，雲吞麵，今次食酸辣麵，裡面啲料同出面有啲唔同，有豬肚，好爽口，湯底酸酸辣辣好好味，唔係好辣，啱我，不過喜歡辣嘅可能會覺得唔夠辣。仲有其他嘢想試，期待下次再嚟。

同老公經過呢間上海麵家，俾佢門口嘅生煎包吸引住，就入咗嚟試吓。我哋叫咗兩個下午茶餐加一個洋蔥牛肉餅。先嚟到嘅係吉列豬扒麵，塊豬扒乾乾哋，應該係炸咗一段時間；而麵嘅湯底就較清⋯我覺得一般。雪菜肉絲麵，味道都係偏淡。最後係洋蔥牛肉餅，嚟嘅時候只係微暖，冇肉汁唔juicy，似係翻叮⋯而且個洋蔥味搶晒啲牛肉味，一般。總括嚟講，我覺得佢哋嘅出品唔夠熱同新鮮，而且味道亦偏淡⋯唔係好啱我哋呢啲食慣濃味嘅朋友。

今朝男友收工之後返元朗同我一齊食早餐，佢話想食粢飯所以我地就搵左呢間懷舊上海店試下🤦兩個人叫左個粢飯，炸銀絲卷同埋一個洋蔥牛肉餡餅～洋蔥牛肉餡餅幾濃味同埋幾重胡椒味，牛肉唔韌，但無乜汁，店員係烘熱過先俾我地，不過都唔太脆，非常一般炸銀絲卷唔算好油，裡面麵包偏鬆軟，水準正常，但唔中意佢既煉奶無分開上☹️粢飯係一早包起keep住蒸緊，剪開已經見到唔太吸引。。。啲飯好厚無乜料，油炸鬼又淋晒，幾難食🤦🤦期間見到店員包餃子都無帶手套，包包下又去左做其他野，感覺好唔衛生呢間餐廳唔會有下次。。。

真懷舊小店，環境佈置都係懷舊，食物都係懷舊款式，真係食到正宗上海小食同麵條，惟一係要帶住一身油煙味離開。如果黎食餡餅唔好話唔提你，小心爆汁湯麵嘅湯頭就淡口咗啲。雖然係下午茶但係碗麵都幾大碗，如果唔大食嘅你，兩個人去食建議叫一個麵餐，另一個小食餐，佢杯豆漿唔講得小係大杯裝，唔會因為係下午茶而變細，所以整體黎講係好低食嘅。

突然想食鹹豆漿，但現在真是買少見少了，元朗好似得返呢度有得食？六點半左右黎到，全店滿座，店很小很迫，大部份食客都習慣撘枱，等了一會有人結帳，順勢就走進去撘枱了。先來一份蔥油餅，雖然係一早整好，但依然鬆軟滿蔥香，吃下亦沒有油膩感，好吃。鹹豆漿幾足料喎，油條加蔥花仲有少量鹹菜加芝麻，仲有淡淡的豆香，過下口引實在不錯。最後仲點左粢飯，微溫而且很多餡，鹹菜肉鬆加油條的配搭真的好棒，煙煙韌韌的糯米好有口感，好吃。餐牌選擇很多，對面食客點的麵食十分大碗，勁吸引呀，下次來試試先。

呢間位於元朗小巴站附近嘅上海餐廳，佢嘅食物質素OK，今次我食佢哋個蔥油餅蔥油餅本身夠熱餐廳地點方便，但係當我行入去餐廳就發覺一大浸油煙味，咁我就選擇外賣但係餐廳寫明學生有優惠，但係當日我帶住小朋友去幫襯，而小朋友亦都係着住校服，但係佢就冇比優惠我，要收我正價我就覺得有啲取巧啦

朋友介紹黎到呢間餐廳，佢話呢間鋪已經好多年，佢亦都好鍾意食，食左好幾年，我一次都無食過，適逢有一晚到元朗睇戲，一個人又唔知食咩好，所以決定試一試。這店的裝修很簡單，星期三晚飯時間7點，只有4,5個食客。我叫左酸辣水餃粗麵$37+炸銀絲卷$14。大大碗，好好味，酸辣配料非常足料，配有4隻韭菜豬肉餃，麵質爽口。另外炸銀絲卷即叫即炸，新鮮熱辣香脆可口，配上煉奶，好好味，以這價錢的確高質素。朋友果然無介紹錯！

食過午餐，現在有一點肚餓附近找了這間上海餐廳，決定進店醫肚餓這間店舖裝修簡陋和一般的上海店分別不大，這個北京餡餅並不熱，而外皮很厚，久菜和肉的餡料也偏鹹， 春卷的餡料全是蔬菜，春卷皮已經不脆，相信放了很久這個菜肉雲吞湯底很淡，雲吞皮很厚而他的餡料和北京餡餅的餡料是一樣的，太求其而凍豆漿味道清淡不夠濃郁，

番黎元朗搵食，未分享過既好店真係無乜🙄 正當R爆頭之際，黎到上海麵家前🍝 佢係元朗就好多年架喇，間唔時經過都買塊饀餅吔🥙晚飯時間黎到，八成滿😮 成間舖我估迫迫地坐到四十人，其實就食堂feel, 白磚牆，貼旦唔同嘢食名係牆🧱 粉低黑字菜單上啲嘢食多到唔知點揀🤔 雖然係堂食，都忍唔住要個饀餅😂 仲有要咗豬扒水餃麵同杯凍豆漿呢啲標配🔰店員極速執咗饀餅🍘同豆漿🥛饀餅上枱從來都係小小煎金黃同燶，樣衰就梗😱 一如以往韭菜搭上濃香醬汁係麵粉皮下既肉碎，暖意同韭菜香一齊湧上口腔😜 平凡既白麵同水餃素裝出場👩‍🦳 加埋隨意擺放既炸豬排🐷 清湯底少油，味道簡潔💪其實水餃既饀係同饀餅一樣既🤣但我就鍾意佢咁😃豬扒薄薄地，酥香好咬口😘豆漿都係同一路，唔係塞爆你既濃香，而係細水長流🥛打咭靚樣就無呢種上海麵舖份架喇😁 但個種實在既簡單味道就同佢裝修一樣實而不華❤️ 埋單食到肚仔飽都係55蚊，夫復何求？

如果唔係為左整銀行野，星期六好少咁早起身去食早餐!不過好彩，咁都比我食到間不錯抵食GE上海野。咸豆漿如果同以前細個食開果D比，一定無得比，但係同返依家外面GE店舖質素比，算係不過不失。可惜GE係，豆漿太過薄，豆味較淡，榨菜同蝦米都唔夠香唔夠味，醬油都唔夠，變相出黎GE效果味道偏淡。既然彈到咁，點解我仲造不過不失呢，是關佢撞得到起花，出面已經好少做得到了，加上都好足料，所以我覺得佢仲有得救，可能都係今日失水準o者。北京餡餅呢個質素好高!!!一食落口好Juicy，好香好夠味!!九菜又夠多，正!!粢飯飯同料GE比例岩岩好，不過可惜同咸豆漿個症狀一樣，唔夠味，榨菜肉鬆油炸鬼都係好淡味。牛腩水餃麵呢個係全場質素最高!!!但係就算因為太高，掛住食，忘了影相，唯有字評。三粒九菜水餃大大粒，一咬爆汁，味道調得好好!!牛腩份量都好多，有5,6舊細ge，炆到好冧好入味!! 湯底係腩汁清湯夠濃夠清，冇乜油，至於麵底就係上海幼麵，都好唔錯!總括而言，性價比好高!! 有D食物雖然整得唔好，但唔係差，可能再比機會去試，而且佢好多味道偏淡，食落無乜味道，其實都幾健康!!!下星期再去過=]

一間毫不起眼的老字號上海麵店，位於大棠路綠色小巴站附近，經常經過，裝修簡單，店面乾淨，大約有10多張檯，門口有鍋貼同煎餃賣，今晚一個人晚餐，一於入去試下，估唔到價錢非常實惠，叫左一碗酸辣水餃麵$36，另外加$4有凍豆漿，加埋都只係$40，而且一D都唔細碗，咁既價錢去邊度搵。酸辣湯唔會係好杰身個隻，味道唔會太酸，又唔會太辣，但亦食到佢既辣味，非常惹味，水餃有4粒，係韮菜豬肉餃，韮菜好香，麵質非常爽口，真係又平又抵食。

今日中午食上海麵，此店在元朗應該已開了10年以上，做熟客生意為主，店面無甚裝修，非常貼地，伹都是衛生非常。獅子頭飯套餐，43元，包紫菜例湯，3棵大大獅子頭舖在飯面，再配以青菜拌碟，絕無花巧，獅子頭都是用肥肉和瘦肉混和炒炸，不油膩，與醬汁和飯混和一起，好味追吃。小籠包，31元，六棵，即叫即蒸，等約十分鐘，皮有一點厚，但餡多，熱騰騰配香醋，口內爆汁的感覺真是最爽。同枱客人點了燻魚配湯粉絲，感覺也很滋味，下次一定試這個。

今日嘅午餐叫咗*酸辣餃子米線，雖然已經好夠味，但佢都仲會配埋《豆瓣醬》俾你點餃子🥟食～辣上加辣，正啊！🤤酸辣湯依然好有水準，不會太酸，亦都不會太鹹，味道啱啱好🙌🏻同埋好足料，每啖都會食到佢啲配料㗎！餃子皮薄多汁，一咬開，餃子裡的熱湯🍲湧出嚟，仲有韭菜香味加豬肉嘅鮮味👍🏻加埋杯凍豆漿，完美的午餐🥣