EaT燒肉

營業中

休息中

之前喺沙田已經有食過呢一間日式燒肉店，之前見到佢將軍澳坑口東港城開分店嘅時候，已經等咗佢裝修好耐，見到佢幾個月前終於裝修好，一直想試，但平時都好多人排隊，今次平日夜晚夜咗收工見到佢冇人排隊仲有得食就入去試吓。佢啲套餐大部份都配一份牛五花，但係我個人唔太喜歡食肥嘅部份，於是散叫咗一碗紫菜溫泉蛋飯，牛舌，魷魚鬚，同埋一碟牛版見自己組一個「一人套餐」。由於差唔多收舖，食客都差唔多走晒，所以上菜速度幾快，而且有三款轉俾你揀，同沙田間分店一樣，鹽同胡椒粉樽都係按掣自動式既，燒完肉之後落少少調下味都幾好玩。食物質素方面都拍得上沙田分店，一個人食咗大約$170 ，都抵玩過X 角嘅。