影片
更多
2024-07-13
173 瀏覽
好耐冇食過蒸氣火鍋啦，冇諗到呢啲都有一人一鍋，檯面會寫埋各款食物嘅烹煮時間，個爐有埋計時，操作算簡單。今次試咗兩款套餐，主要分別係海鮮同炸物嘅內容唔同，朋友試做九品芝麻官🤣 我就做下內務總管先😎九品芝麻套餐 ($258)等水滾期間，有前菜青瓜沙律食住等，炸物就有章魚燒，連前菜都有海鮮都幾有誠意。海鮮白蜆已經夠鮮甜，但大蜆更甜。蝦夠爽口，魚片實肉啲有咬口但比想像中好味，扁蟶子都幾鮮唔錯。 鮑魚大大件，本身得一件，但做緊推廣加$1有多件，冇理由唔加，食落爽口，滿意。覺得值得一讚嘅位係由頭到尾都唔會食到有沙，呢點好重要！內務總管套餐 ($328)前菜同九品芝麻一樣，但炸物就變咗吉列炸蠔 (2隻），幾酥脆。內務總管海鮮就高級啲，除咗有白蜆、蝦、大蜆、扁蟶子、鮑魚外，多咗元貝同蟶子皇/蟹半隻 (2選1)。2選1揀咗蟶子皇，肉多而且幾鮮甜，元貝都ok。另外，兩款套餐都有肉類、三寶丸同蔬菜拼盤。肉類可以選兩款：美國肥牛、豚肉片、雞腿肉 (3選2)，肥牛快熟所以記得夠鐘就第一時間食啦🤣 豚肉都ok，朋友大讚話雞腿肉勁滑。三寶丸就有牛骨濃汁牛丸、薑汁皮蛋貢丸、招牌墨魚丸，各有特色。 薑汁皮蛋貢丸幾香入面
好耐冇食過蒸氣火鍋啦，冇諗到呢啲都有一人一鍋，檯面會寫埋各款食物嘅烹煮時間，個爐有埋計時，操作算簡單。
今次試咗兩款套餐，主要分別係海鮮同炸物嘅內容唔同，朋友試做九品芝麻官🤣 我就做下內務總管先😎
九品芝麻套餐 ($258)
等水滾期間，有前菜青瓜沙律食住等，炸物就有章魚燒，連前菜都有海鮮都幾有誠意。
海鮮
白蜆已經夠鮮甜，但大蜆更甜。蝦夠爽口，魚片實肉啲有咬口但比想像中好味，扁蟶子都幾鮮唔錯。 鮑魚大大件，本身得一件，但做緊推廣加$1有多件，冇理由唔加，食落爽口，滿意。
覺得值得一讚嘅位係由頭到尾都唔會食到有沙，呢點好重要！
內務總管套餐 ($328)
前菜同九品芝麻一樣，但炸物就變咗吉列炸蠔 (2隻），幾酥脆。
內務總管海鮮就高級啲，除咗有白蜆、蝦、大蜆、扁蟶子、鮑魚外，多咗元貝同蟶子皇/蟹半隻 (2選1)。2選1揀咗蟶子皇，肉多而且幾鮮甜，元貝都ok。
另外，兩款套餐都有肉類、三寶丸同蔬菜拼盤。
肉類可以選兩款：美國肥牛、豚肉片、雞腿肉 (3選2)，肥牛快熟所以記得夠鐘就第一時間食啦🤣 豚肉都ok，朋友大讚話雞腿肉勁滑。
三寶丸就有牛骨濃汁牛丸、薑汁皮蛋貢丸、招牌墨魚丸，各有特色。 薑汁皮蛋貢丸幾香入面會爆汁，牛丸真心好得，好juicy，墨魚丸彈牙。
蔬菜拼盤
拼盤營養豐富，有生菜、娃娃菜、冬菇、翠玉瓜、粟米、南瓜同金菇。 想講個南瓜同粟米好甜！
粥底
食完以上嘅野, staff都好主動幫我地上埋個主食, 佢有多款選擇，有麵有粥咁, 同朋友們揀咗以下幾款:-
魚湯米粉: 有home feel嘅魚湯, 清淡得嚟夠魚味
南瓜芋頭粥: 南瓜清淡更突出粥嘅米味, 芋頭有D溶緊D向粥入面更有口感
蟹膏盤肉粥(+$28): 幾款當中味道最濃同真係有蟹向入面, 幾足料
甜品
飽到上心口但最後仲有一人一粒糯米糍, 有雲呢拿、香芋、芒果味選擇
張貼
