影片
更多
2017-07-19
15650 瀏覽
由網上經營，到而家開左實體店嘅lamlam脷，人氣一直都好高，好評如潮。平日我都經常留意住小店嘅ig，得個睇字，雖然都算喺附近番工，但一直都未有去排隊，一來天氣咁熱，二百磅咁嘅身型要排隊唔容易，二來唔知要排幾耐，三來又怕排到差唔多嘅時候又冇哂，嗰種失落感不是咁簡單。週六剛好約左朋友喺九龍食飯，機會黎喇飛雲，於是我地打鑼咁早出門口，去到店外大約1:15pm，開門15分鐘左右，已經有十幾個人排我前面。小店只有店主一人做餅，切件味道每日不同，數量有限。為左等排隊嘅人唔洗空手而回，每人限購兩件，所以想食真係要花啲時間，準時一點鐘去排相信一定買到，只係唔知係咪想要嘅口味。店面位置唔多，單係一條人龍都夠逼爆小店，但其實有幾個位置可以堂食 (但可能太逼，所以我見9成人都係外賣)當日供應抹茶流心、朱古力流心、伯爵茶、香芋牛乳、檸檬芝士、芒果 6款口味。可惜排到我剛好兩款流心款式都沽清，真係omg的灰左，哈哈退以求其次，揀黎揀去揀左香芋牛乳同新推出嘅檸檬芝士口味，決定堂食。香芋牛乳千層 $32檸檬芝士千層 $32切件親民，以呢種人氣，我相信加價都有得做的。兩款千層細細一件，即時獨食兩件，都唔會覺得好he
週六剛好約左朋友喺九龍食飯，機會黎喇飛雲，於是我地打鑼咁早出門口，去到店外大約1:15pm，開門15分鐘左右，已經有十幾個人排我前面。小店只有店主一人做餅，切件味道每日不同，數量有限。為左等排隊嘅人唔洗空手而回，每人限購兩件，所以想食真係要花啲時間，準時一點鐘去排相信一定買到，只係唔知係咪想要嘅口味。
店面位置唔多，單係一條人龍都夠逼爆小店，但其實有幾個位置可以堂食 (但可能太逼，所以我見9成人都係外賣)
當日供應抹茶流心、朱古力流心、伯爵茶、香芋牛乳、檸檬芝士、芒果 6款口味。
可惜排到我剛好兩款流心款式都沽清，真係omg的灰左，哈哈
退以求其次，揀黎揀去揀左香芋牛乳同新推出嘅檸檬芝士口味，決定堂食。
香芋牛乳千層 $32
檸檬芝士千層 $32
切件親民，以呢種人氣，我相信加價都有得做的。兩款千層細細一件，即時獨食兩件，都唔會覺得好heavy
班戟皮厚薄適中，千層做得平均唔粗嚡，食落柔軟但又唔會一坺野，忌廉抹得幼滑，當然相對大牌點都厚少少，但以人手每日製作，效果不俗。
香芋牛乳口味同雀巢雪糕味道相似，甜度低一點點所以唔會好膩，夾層仲食到香芋粒粒，做得好碎又增添左口感
至於檸檬芝士味，個人係比較喜歡，唔知係咪天氣熱，食啲酸酸地嘅野比較開胃，檸檬味突出而唔會過酸，唔鐘意酸尾尾嘅我都食到，清新不膩，而且感覺呢款千層更滑
整體黎講，小店嘅千層味道不錯，只係人氣非常高，一cake難求。
今次失望只因未能試到流心款式，嗚，唯有明天請早
張貼
