開飯主義

營業中

休息中

送了女朋友返屋企後，自己一個人夜晚八點鐘係大埔墟覓食，突然見到呢間餐廳空間闊落，仲有唔少位，價錢又實惠，就入去試下。先講環境，呢間餐廳空間感十足，座位唔會話好迫，一個人都可以坐卡位。然後平日晚市黎講佢真係算平，55蚊可以有飯連餐包湯同凍飲。最後我叫左個芝士焗麵包配炸雞，都只係90蚊。先上左湯同餐包，白湯中規中矩，餐包竟然係牛角包，呢個幾有驚喜。個麵包芝士味濃，炸雞都係岩岩出爐同辣口，食得好滿足，只係芝士汁可以再多少少。凍檸茶不過不失，比較淡。價錢實惠而且環境唔錯，會再次光臨！