花火和食 (已結業)

今日咁啱喺紅磡附近攞嘢，完成任務後，好似日劇<孤獨的美食家>咁，突然好想食鰻魚飯！見到花火和食有鰻魚飯，就入去食硬佢🤪打開menu，見到有三款唔同價錢嘅鰻魚飯！我諗咗一陣，就揀咗👉🏻原條！京都風蒲燒鰻魚定食！定食已經包埋味噌湯、飯、炸物、前菜同飲品！我仲加咗兩件可樂餅，分別係紫芋甘栗味同牛肉味！🤩原條！京都風蒲燒鰻魚定食原條！係原條！真係好大條嘅鰻魚！鰻魚油脂飽滿，又夠軟身！入口無耐就即溶，好正呀😋鰻魚味夠濃！但如果少啲鰻魚汁嘅話，味道會再完美啲！碟上有啲蛋絲同紫菜碎，送飯一流😍珍珠飯上加咗啲味素，單食已經好開胃！不過配鰻魚飯味道好似多咗啲！但點都好，整睇嚟講都好好食！大🈵足😋😋😋😋😋至於跟定食嘅炸物分別有日本芝士魚餅同芝士魚豆腐！日本芝士魚餅口感比較煙韌！芝士魚豆腐口感比較腍，兩款咬到中間原來有一層芝士夾心，正👍🏻🐮牛肉可樂餅牛肉溝薯蓉嘅可樂餅，炸得好脆口！食入口仲有啲隱約嘅洋蔥香味，齋食呢個可樂餅已經好開心😃勁好食😋🍠紫芋甘栗可樂餅🌰可樂餅中間有粒栗子肉，食落香甜，當飯後甜品一流😍