影片
更多
2019-04-21
1083 瀏覽
母親大人生日食飯, 係元朗搜尋到Granada by JW, 一間較新既西班牙私房菜🇪🇦 事先已經BOOK 好咗, 係安興街足球場同泰菜MINT旁邊搵到Granada by JW 低調既門口: 只有一個簡潔發光招牌同門口洞咗個餐牌 拉開躺門, 小店有4組枱, 20個位以內; 室內裝修平凡樸素, 牆上掛左少許木枝裝飾, 枱櫈都係簡單款式; 成件事同佢MENU既價錢係唔成正比😬 私房菜既MENU兩款選擇; 分別係488同658; 分別係差咗個自選海鮮前菜同埋廚師揀既前菜 第一份係帶子、海苔、檸檬味; 三塊半煎熟既帶子係檸檬汁造成既粒粒下坐左係一堆海帶上面, 帶子入口底韌面鮮, 送入口咬破檸檬汁粒粒混埋海帶小許既海水味; 打開咗今晚美麗樂章序篇🤫 第二道分別有藍鰭吞拿魚🐟同西班牙火腿🐖 吞拿魚係魚子醬同醬汁混和下將本身優質魚肉味道發揮得更鮮, 旁邊既白露荀除咗伴碟亦平衡番魚子醬重味; 西班牙火腿既沙律, 有少少驚喜係加咗蒜頭, 令火腿無平時咁咸, 應該係廚師細心既處理🧐 另外, 由於有要求唔要蝦蟹, 廚師快速應變咁比咗個鴨肉Tiramisu🦆比我哋, 全晚既BEST PICK, 好似hidd
事先已經BOOK 好咗, 係安興街足球場同泰菜MINT旁邊搵到Granada by JW 低調既門口: 只有一個簡潔發光招牌同門口洞咗個餐牌
拉開躺門, 小店有4組枱, 20個位以內; 室內裝修平凡樸素, 牆上掛左少許木枝裝飾, 枱櫈都係簡單款式; 成件事同佢MENU既價錢係唔成正比😬
私房菜既MENU兩款選擇; 分別係488同658; 分別係差咗個自選海鮮前菜同埋廚師揀既前菜
第一份係帶子、海苔、檸檬味; 三塊半煎熟既帶子係檸檬汁造成既粒粒下坐左係一堆海帶上面, 帶子入口底韌面鮮, 送入口咬破檸檬汁粒粒混埋海帶小許既海水味; 打開咗今晚美麗樂章序篇🤫
帶子，海苔，檸檬味
10 瀏覽
0 讚好
0 留言
第二道分別有藍鰭吞拿魚🐟同西班牙火腿🐖 吞拿魚係魚子醬同醬汁混和下將本身優質魚肉味道發揮得更鮮, 旁邊既白露荀除咗伴碟亦平衡番魚子醬重味; 西班牙火腿既沙律, 有少少驚喜係加咗蒜頭, 令火腿無平時咁咸, 應該係廚師細心既處理🧐
火盪藍鰭吞拿魚，魚子醬，白露荀
7 瀏覽
0 讚好
0 留言
36個月西班牙火腿，車厘茄，醋漬蒜頭，橄欖
7 瀏覽
0 讚好
0 留言
另外, 由於有要求唔要蝦蟹, 廚師快速應變咁比咗個鴨肉Tiramisu🦆比我哋, 全晚既BEST PICK, 好似hidden sound track 咁; 上枱以為真係甜品芝士蛋糕🥧 連聞落去都係甜味, 但一破開表面, 鴨香伴隨白煙升起, 入口不是甜, 而係無羶既鴨肉鮮味 (有機會要求廚師整)😲🤩
鴨肉tiramisu
4 瀏覽
0 讚好
0 留言
白露荀, 洋葱湯係平凡既黑碗盛載上黎🥣味道溫馴, 前面兩道序章後黎個小停頓
入主章用龍蝦汁黎煮既龍蝦同埋松葉蟹肉鹹雪魚慕絲, 絕對係必試: 龍蝦肉🦞小小一排好似微笑咁係灰色碟上枱, 熟度透心唔老既龍蝦肉點埋龍蝦汁, 將成餐既味道水平推高一格; 另外既鹹雪魚慕絲黎到我以為係魚子醬水蛋🍳 面上有兩種魚子醬梅花間竹出現, 下面原來係魚汁Mousse, 松葉蟹肉🦀沉澱係入面, 每一啖筆出黎既蟹肉都由mousse 包住, 混和埋頂上既魚子醬, 係帶你入深海潛水既天籟🎶
龍蝦龍蝦醬
4 瀏覽
0 讚好
0 留言
鹹雪魚慕絲，松葉蟹肉，魚子醬，三文魚子
2 瀏覽
0 讚好
0 留言
廚師前菜係黑貝🐚有少少失望, imperfect係因為個非常鮮味既貝類, 稍稍OVERCOOK, 令佢咬口過韌🤨
黑貝
3 瀏覽
0 讚好
0 留言
主菜反而係今晚精彩樂章既配角, 大概係樂團入面既大堤琴🎻小號🎺 不可或缺, 但又未是主角🙄
安格斯肉眼, 落單時店員已表示廚師對掌握火喉極有信心; 兩人份量, 用咗木頭塾底上枱; ORDER咗既七成, 以完美粉紅表現係肉心🐂最欣賞係廚師連配菜既蘿蔔同薯仔都調好味, 一個人去煮成個大餐, 竟然可以細緻如此😮
燒安格斯頂級肉眼扒
31 瀏覽
0 讚好
0 留言
豬鞍架🐷亦都係煮出白裏透紅既透肌色, 加埋佢既松露醬, 配合天衣無縫👏👏
燒西班牙伊比利豬鞍架
9 瀏覽
0 讚好
0 留言
最後係要加錢既智利白雪魚🐟食得出佢既用料靚, 醬汁同中間既配菜亦都係細選過😍
智利白雪魚 巴斯克風味
5 瀏覽
0 讚好
0 留言
作為謝幕, 兩度甜品百里香布丁🍮同朱古力慕士🍫貫轍咗廚師既心機: 百里香布爽朗既清草味同埋輕淡既朱古力慕士同成餐飯基調一致: 濯清漣而不妖✨
朱古力慕絲
5 瀏覽
0 讚好
0 留言
百里香布丁
6 瀏覽
0 讚好
0 留言
Granada by JW, 廚師想比到既係你要細味去發掘深意既交響樂, 可以保持細水長流既精彩, 歷久常新👴而唔係其他fine dining既重金屬式單次震撼👨🎤
同廚師閒談間, 原來有客間唔時都會黎叫外賣, 係講緊成SET咁叫, 一個500-700既外賣😎; 另外一個重點係廚師純粹係ONE MAN BAND👨🍳 只有一個樓面幫手, 成餐飯, 菜同菜中間等候時間無超過15分鐘, 而當晚亦有三枱人, 10個客; 一個人都可以譜出如斯精彩既私房菜局, 真心盛讚; 下次會再黎食佢LUNCH, 不過大家記得記得一定要預訂☎️
張貼
