九龍燒豬大王

營業中

休息中

乳豬客飯 套餐A（$75），包例湯（菜乾豬骨湯，夠哂味道，又足料）及油菜（我以為係一碟上，但原來就係碟飯上面嗰兩條菜心）。乳豬併燒鵝飯，乳豬及燒鵝各五件，份量唔算多，但切得比一般燒味舖大件。乳豬：皮脆、肉厚，完全冇肥膏，唯一可惜放耐咗唔係熱的。燒鵝：相對肥咗少少，而且骨多冇乜肉食，皮亦都唔算太脆，食到好少嘅煙燻味 。整體嚟講，價錢唔算平，味道又唔算太出色。店內得五張4人圓枱，喺依家嘅情況下，堂食最多可以坐十個人。