德美壽司

營業中

休息中

呢間之前係尖沙咀食過，壽司唔錯，但今日唔食呢啲，我要カツ丼。滑蛋吉列豬扒飯定食（$68）一坐底即上沙律（正常）同茶碗蒸（滑、有蛋味），點完餐後就上埋碗麵豉湯（清清哋，幾多昆布），最後就係白飯同滑蛋吉豬。先講個滑蛋汁，除咗蛋，仲有不少菇同洋蔥，味道微咸少甜，用嚟撈飯一流。吉豬都幾大塊、兼且厚身；炸粉唔過厚，雖然浸係汁入面，但仍食到脆口；豬扒肉質微實，但一啲都唔嚡，十分有口感，近邊邊位有些少肥膏十分爽口。食哂最後仲有甜品，迷你雪米糍一粒。自己 scan QR code 落單。不收加一。只收現金。