Burgerman (埃華街) (已結業)

埃華街好多野食，唔係好肚餓但又想食下野，食個漢堡就啱啦。招牌芝士漢堡$65另外加左燒大菇(+$20)同埋炒洋蔥絲(+$8)。由上至下分別係燒大菇、炒洋蔥絲、車打芝士、自家手打牛肉、蕃茄同埋生菜。包外脆內軟。燒大菇好juicy。炒洋蔥絲落左黑椒，炒過嘅洋蔥更香，食落好香黑椒味又辣辣地。車打芝士同牛肉嘅味道好夾。牛肉牛味濃郁，肉質腍身，重超juicy！一咬d汁就漏曬出黎！溫馨提示，建議大家食漢堡包嘅時候戴番枱上提供嘅膠手套，如果唔係d汁就流到成隻手都係架啦。蕃茄都焗暖左，唔會凍冰冰。生菜好脆。要讚店主好細心，唔止有提供膠手套以防食客食漢堡嘅時候整污糟手，另外亦配左勾喺枱下面比食客掛袋。讚👍🏻！