世華餐廳 (已結業)

係尖沙咀食飯既我地，每日都可以選擇不同既餐廳食lunch... 但好不幸地今日去左呢個"世華餐廳"。一座底，已經feel到煙霧迷漫(係極多人食煙既臭煙)，都唔明d人黎食煙定係食飯，十抬有八抬都食既...所以我地打算快快趣食完就走...我兩個同事叫左個西冷牛扒餐...點知兩件牛扒硬到切唔入...原因竟然一碟生到切唔入，另一碟竟熟到把刀都切唔到... 最不幸都係我啦... 我既童子雞飯竟然有隻唔知咩既昆蟲!!! 非常恐怖! 有好多隻腳.... 嚇到我同事即刻想嘔，跟住叫經理過黎睇~ 佢只係即刻收左碟話唔好意思，取消佢。之後就走左...... 仲無黎我地去左執抬!! 因我只係食左二啖飯... 所以我叫返個經理過黎問"甘點?" 跟住個經理竟然反問我"你未食飽咩?"... 下!!!!有無搞錯呀...完全無打算有行動! 最後我話我乜都無食過，一係比碗"朱扒米線"我，最後...我地三個分別剩左大半個餐無食....埋單仲要每人比$35，都唔知食左D乜!!! 仲搞到成身成頭都係煙味..好似入左間黑店甘!