影片
更多
2017-08-08
1546 瀏覽
呢間餐廳我光顧咗起碼十次，之前都不斷推介比朋友，經過今次，我唔會再黎！只係半年左右無光顧，變到非常差劣！見有優惠係9點後入座，第二位半價，就訂位。9點上到去，人流已經不及以前。以前係會有好多人等食第二輪，無人等之餘，仲要有好多吉枱。入座時，侍應話海膽沽清，當時都覺得無所謂，因為主要想試磯燒，所以照入座。明明上網見到食評有講磯燒，坐低後，無任何單張有提及，侍應都無問加唔加磯燒，直至我問侍應先講要每人加30蚊。當中包四款一次性落枱海鮮 (珍寶虎蝦，鮑魚，黃金蚌，扇貝)，及幾款任叫海鮮(虎蝦，蜆，聖子)。然後侍應話聖子賣哂，心諗都仲有虎蝦同蜆，都還可以，所以決定加$30。當我同侍應確定加磯燒後，就即時點了蜆及虎蝦。侍應有幫手燒海鮮，但一個侍應走全場，其他侍應好似唔識咁，我地隻鮑魚最後燶咗。黃金蚌勁多沙，掉咗無食到。一次性落枱嘅海鮮食完，我點嘅蜆同蝦只黎咗蜆，以為漏單，再入紙。都係無黎，於是我問侍應，其實有無虎蝦，佢話賣哂，仲解釋我話加磯燒嘅時候係仲有嘅。但係我想話，我一加磯燒已經落單，如果份量係得番咁小，係咪都應該同我講聲，等我考慮一下仲加唔加錢去食呢？當場真心表現不滿，我加錢，但海鮮類只得
只係半年左右無光顧，變到非常差劣！
見有優惠係9點後入座，第二位半價，就訂位。
9點上到去，人流已經不及以前。以前係會有好多人等食第二輪，無人等之餘，仲要有好多吉枱。
入座時，侍應話海膽沽清，當時都覺得無所謂，因為主要想試磯燒，所以照入座。明明上網見到食評有講磯燒，坐低後，無任何單張有提及，侍應都無問加唔加磯燒，直至我問侍應先講要每人加30蚊。當中包四款一次性落枱海鮮 (珍寶虎蝦，鮑魚，黃金蚌，扇貝)，及幾款任叫海鮮(虎蝦，蜆，聖子)。然後侍應話聖子賣哂，心諗都仲有虎蝦同蜆，都還可以，所以決定加$30。當我同侍應確定加磯燒後，就即時點了蜆及虎蝦。侍應有幫手燒海鮮，但一個侍應走全場，其他侍應好似唔識咁，我地隻鮑魚最後燶咗。黃金蚌勁多沙，掉咗無食到。一次性落枱嘅海鮮食完，我點嘅蜆同蝦只黎咗蜆，以為漏單，再入紙。都係無黎，於是我問侍應，其實有無虎蝦，佢話賣哂，仲解釋我話加磯燒嘅時候係仲有嘅。但係我想話，我一加磯燒已經落單，如果份量係得番咁小，係咪都應該同我講聲，等我考慮一下仲加唔加錢去食呢？當場真心表現不滿，我加錢，但海鮮類只得蜆可以任食？講笑吧？如果沽清，都應該同我地講聲，而唔係唔出就算。最後佢俾咗兩隻珍寶虎蝦我作補償，都係預期之內。
然後我點鯖魚，點咗兩次都無，點知又係沽清，又係唔出聲。跟住送咗兩舊焗三文魚俾我地，無味，唔熱，熟唔透。
其實如果咁多野沽清，就唔好接客！我有訂位，唔係walk in 。有個老闆嘅物體過黎解釋因爲太多walk in，預貨預小咗，呢啲廢話真係唔想聽。然後話俾番9折我地同下次黎送番一板海膽俾我地。首先9折最後係無比，因為我地話唔洗，佢就真係無比。第二，無下次，所以都唔會要板海膽。
除咗好多野沽清，啲食物質素好差，唔新鮮，熱食係暖嘅，唯一好小小嘅就係天婦羅係熱辣辣嘅。
真係超級失望！
一！定！無！下！次！
張貼