坤記煲仔小菜 (已搬遷) 新店位置

今天去西環探朋友, 一場去到西環, 當然要問下地膽, 西環有咩野食介紹, 咁朋友個老公介紹食煲仔飯嗎? 好一於去試下, 好彩有朋友老公的溫馨小提示, 6:00pm 營業, 要等位, 所以我們兩公婆, 便在6點到, 嘩, 真係有人在門口等開口, 依入面未開燈喎, 點解 D 人都推門照入去? 咁我們當然吳拾輸啦一樣照入, 入到去他們都開始營茶業喇, 原來好多人已打電話訂枱, 所以大部份的枱已留座, 我們都幾好彩去到都有位, 仲要是 2 人枱, 不用搭枱, 我們點了胡招豬肚雞湯, 及鱔田雞煲仔飯, 胡招豬肚雞湯, 與潮州菜的胡招豬肚湯, 無咩分別, 豬肚及雞份量都好多, 好好味, 鱔田雞煲仔飯, 嘩...全是田雞比,正呀. 啖啖肉, 不過我有疑問, 吳知D田雞身去左邊?? D 鱔件件都好肥美及新鮮, D 飯煲到好恰當, 落左煲仔飯鼓油,撈均,後 還看見一粒粒的飯兼且軟硬適中, 吃到底, 還有脆卜卜的飯蕉.