牛陣 (已結業)

試過幾次牛陣o既lunch, 之前係i-square試過夜晚一次,都ok啦,百幾蚊個...之前係i-sqaure o既雪糕係哈根達斯...lunch呢,埋單一位五十幾蚊,都差唔多啦,係可以好飽架喎,不過限時一個鐘,要爭取時間,分頭行事,我地多數都三四個人去食,兩個出去拎野食,一人一碟牛or豬,我地都係食最普通o個隻夠喇...一碟肉已經好夠食,都有d肥膏架,但唔韌呀,咁o既價錢唔會要求太高,出面仲有野比我地任拎,又有炒飯,有好幾款菜,有芝士腸,有魚蛋呀...有烏冬,有拉麵,粉絲...豆卜,豆腐,南瓜,芋頭,蕃茄,冬瓜,冬菇,金菇,蓮藕...讚: 魚丸好味彈牙,拉麵夠爽口,必食! 仲有雪糕係dreyers...4隻味,最鍾意就係食薄荷朱古力,當完熱辣辣o既hotpot,再食返杯mint choco chips呢,個喉嚨舒服晒...好認真架,一個鐘就一個鐘,last 15 mins就叫你埋單,不過就算佢唔趕我地走,我地都夠鐘開工o既...我覺得作為一個lunch,有肉,有菜,有粉麵飯,有雪糕,服務唔差,比五十幾蚊,都唔會要求得去邊,我覺得都好底食...