大街餐廳由Coca-Cola®呈獻

營業中

休息中

暑假熱辣辣去咗迪士尼玩，星期日15:00打算食lunch，間間餐廳都full曬，連冇冷氣嘅位都要等。最後選擇係入口嘅大街餐廳食。 入得園區食嘢預咗貴，但係一個tea set $398 未加一，得個幾件餅已經唔多想食。但係普通一個主食最平都$298起，寧願捱下肚餓食個Tea set算本身想要個朱古力嘢飲，餐牌幅相係凍飲嚟嘅，排左成半個鐘最期待就係呢杯嘢飲。點知入到去同我講杯朱古力得熱飲，咁你就唔好喺幅相度擺個凍飲出嚟啦。咁無辦法唯有飲佢個烏龍芒芒茶，普通糖水，上面有劈cream咁，少少茶味。跟住等咗差唔多成15分鐘先上嗰個Tea set, ，心諗使唔使搞咁耐。講咗鹹點先因為個人認為鹹點好食過甜點。 個人認為蒲燒鰻魚配蘑菇脆包同炒蛋煙三文魚卷配粟米脆包最好食。 不過你問我蘑菇包同粟米包有咩分別其實食唔出。 一個鹹點之所以成功係因為佢嘅配料基本上唔會整得難食。另外佢嘅牛小排都唔錯不過係細粒咗啲。其餘鹹點普通嘢就唔多介紹睇相算啦去到甜點部份，如果你唔係一個鍾意食甜野嘅人呢一餐應該會食到頭暈。首先講咗鬆餅，算係我呢餐幾鍾意嘅甜品，配左cream同埋果jam，鬆餅食落好大浸奶粉味不過味道算係唔錯。