影片
更多
2017-01-25
2455 瀏覽
我哋今日係去食lunch嘅。一入到間餐廳就好有親切感，感覺好乾淨,好光猛,好Professional, 而且好舒服。座位主要係吧台，其實幾咁幾好架，因為可以同個壽司師傅傾計，（我最鐘意同人傾計架啦）。Set lunch套餐由百零蚊時五百零蚊不等。我個好朋友建議我哋食料理長推介12款壽司定食-價值每位＄480。個壽司師傅非常之好，而且專業。佢為我地介紹每一個壽司點做啦，有咩料啦，點解咁樣食法會好食d啦，次序點解要咁樣,從呢個食到嗰個啦。解釋得非常詳盡，好有心機，仲好好傾添！啲食物真係非常之好食又好鬼新鮮！而且味道同口感都有層次,你會食得出佢有心做俾你食嘅。當然我即刻問吓個師傅叫咩名啦！個師傅叫Ryan Ng。佢好野嘅地方係啲壽司全部都唔需要加Wasabi同埋醬油，佢整完件壽司擺上枱後，你立刻放落口就得啦。食到差唔多，Ryan見到佢老闆出嚟,就介紹佢老闆俾我哋識。佢個老闆都幾Nice架。傾咗兩句之後，先知道佢老闆都係愛吃之人。遇到同道中人真係開心。1. 𩶘魚-好甜，而且有檸檬香味，肉質好煙韌。2. 針魚-海水味重d，厚身d，口感豐富d。3. 帶子-鮮甜，肉厚，有柚子香味，而好爽口。4. 深
1. 𩶘魚-好甜，而且有檸檬香味，肉質好煙韌。
2. 針魚-海水味重d，厚身d，口感豐富d。
3. 帶子-鮮甜，肉厚，有柚子香味，而好爽口。
4. 深海池魚-一點不腥（通常池魚都有d腥架麻，但呢舊無），比普通池魚爽口，鮮甜，而且有魚香味。
5. 油甘魚- 上面擺咗啲燒過嘅烏魚子碎，烏魚子d香味加上油甘魚嘅油甘香，嗰味道有不同層次，好味。
6. 金目鯛-魚身冧d，味道淡一點，放了柚子胡椒，辣辣地好好食。
7. 赤鯥-塊魚燒過，好香，有點油份，令淡味的赤鯥加了一點美味，魚身爽囗。
8.右口魚邊-燒過嘅魚邊有好香好香嘅油滲出來，好juicy，好濃味。正。
9. 煙燻鯖魚-燒過嘅鯖魚，非常香甜。加上沾了旦黃醬和薑蓉，磨過嘅芝麻碎，味道很特別，香濃可口。**一定要試，因為係出面從來未試食過。（聽說這是江戶時代前的壽司。）
10. 鮟康魚肝-好好食，非常甘甜，魚肝又滑又香，又凍又熱，食完個口仲有回甘。
11.火炙金倉魚腩-油香味重，燒過嘅金倉魚腩面有d脆脆，好好味，同香甜嘅滑魚肉並在一起，正！
12. 金箔北海道根室海膽-呢個海膽真係好好好食，好鮮甜，帶少少海水味，海膽味濃。加咗一點竹炭鹽味道，味道再特別d。
張貼
