美心閣 (已結業)

連繼第五年要去美國工作三星期喇，check-in 完食啲野就上機喇，去到嗰面無啖好食架喇 ﹗日日麥當奴，想食死人咩 ﹗依間位放機場既美心，價錢真係特別貴，服務、環境同味道都好滿意。牛腩撈麵，一般啦，不過不失，因為知道要三個星期後先有得食，所以點都要食多次先上機飛美國。叉燒腸，賣相就一流喇，不過味道都係一般，還可以。珍珠雞，好特別呀 ﹗未見過好似三文治咁夾住，上下層都係糯米，餡料係中間位置。超好味，餡料香甜味濃，又有荷葉清新香氣，好食好食。 四寶雞紮，真係一分錢一分貨，好好味呀 ﹗魚肚軟棉、雞肉嫩滑、冬菇爽甜，但係我唔食芋頭。