陳記豆花豆漿美食 (已結業)

中學時係何文田返學, 幾乎只一得閒, 放學就會同幾個好朋友一齊黎食豆花,勝在平, 靚, 正 又坐得夠耐, 對中學生黎講絕對係好地方畢左業後三, 四年都冇點黎過, 今日見行經何文田就特登帶內人黎試下我中學既回憶舖面同幾年前差唔多, 大約十四, 五個位左右, 簡簡單單。一坐低幾乎都唔洗諗就叫黑豆花, 黃豆花, 牛丸同魚旦 (同以前一模一樣)。牛丸係以前我黎必叫兩三碟既MUST-EAT Item! (以前發育期要食好多 LOL)牛丸實淨但又唔難咬, 又有牛味。魚旦夠爽口, 但就略為太"林", 可能因為就收舖啦我個人比較中意食黃色既豆花, 因為豆味夠濃陳記既豆花本身係何文田已經好出名, 因為夠滑 (當然相比之下由細食到大既九龍城公和更好食!)個人建議唔好加太多糖, 因為會掩蓋左豆花既豆味內人話黑豆好食D 同樣都好滑但豆咪就冇黃豆花咁濃啦。