極尚大喜屋 (鱷魚恤中心)

營業中

休息中

呢個集團嘅日式放題一向係質量保證，好食又多款，觀塘呢間仲要夠曬就腳。刺身呢啲就唔洗講，基本上間間都差不多，佢都冇咩特別，正係正在其他野！做緊榴連主題！有香香嘅烤榴連～榴連雪條、榴連糯米糍、炸榴連波波，真係好難唔係咁嗌～鵝肝鴨胸多士、醉鮑魚同乳鴿係我個人至愛，每次必食。鵝肝香、配合鴨胸香口加倍～但個鴨胸皮就有少少難咬斷。醉鮑魚爽口。乳鴿就燒到啱啱好，皮少少脆、肉仲有少少汁，熱辣辣！雪糕同甜品有非常多款式，仲有雪糕機，乳酪雪糕正！haagen dazs都係會令人忍唔到食啦～飲品又係有大量款式，都影唔到咁多啦！星期日5點-7點兩個鐘夠曬食，268加一，抵！