Goobne Chicken (瓊華中心)

營業中

休息中

有排無得飛韓國，好掛住韓國美食，同友人來到Goobne Chicken止下癮先。餐廳非常闊落，店員安排到近窗位置，可以同友人自成一角靜靜地享受美食。 蜜糖蒜香烤雞（無骨） $205懶人識揀當然揀無骨，啖啖肉方便唔洗啃骨。蜜糖甜甜地，雞面舖上蒜片，陣陣蒜香，每件雞件都入晒味，雞件鮮嫩一啲都唔鞋。雞皮有脆卜卜效果，完全不遜於炸雞呢，食落仲無甘熱氣。 韓式雞蛋卷 $148煎雞蛋卷包住青瓜、醃紅蘿蔔、醃黃瓜、蟹柳、餐肉、海苔及芝士。賣相吸睛，雞蛋煎得香嫩，不會過熟，配埋餡料外軟內脆，芝士半熟有流心效果。蘸埋千島芝士醬，有啲微辣更惹味。