kikusan (已結業)

一間店內, 可以同時食日本菜, 也可以食上海菜, 真特別!! 而且店舖坐位寛闊, 環境舒服。今日先試食日本野, 吉谷舍丼, 聽個名完全唔知係咩來, 好彩本Menu 圖文並列, 原來係有蟹子、三文魚子、鰻魚、蛋絲、牛油果的丼飯, 好足料, 每一口飯都滿有材料伴著入口, 口感好豐富。仲叫左碗吉列千層豬扒滑蛋飯, 真係同名一樣, 塊豬扒好厚, 炸到岩岩好, 肉質仲嫩。仲有碟胡椒豚肉餃子(三隻) , Size 好大隻, 似上海鋪的煎鍋貼, 究竟呢個係日式的豚肉餃子, 定上海的煎鍋貼, 傻傻分不清.........唔緊要, 這就是呢間Fusion 菜的特色之處, 下次可以試埋上海野。