薩莉亞意式餐廳 (將軍澳廣場)

營業中

休息中

早兩個禮拜，同女朋友喺樓下會所做嘢做到八點幾先去搵餐廳食飯，之後我哋就去咗薩尼亞食晚餐。可能因為太夜嘅關係，平時人頭湧湧嘅薩莉亞餐廳，我哋唔使排隊都可以直接入到去。呢間薩莉亞食物質素都叫唔錯，我哋叫咗一個意粉，一個雞肉多利亞，同埋四隻雞翼嚟食。呢幾款食物都係我喺薩莉亞之中最鍾意食嘅，特別係雞肉多利亞，我最鍾意佢嗰隻醬，而雞翼亦都唔錯，香辣得來亦非常之脆口。最尾埋單兩個人大概食咗＄120左右，雖然價錢已經比以往貴，但仍然算係將軍澳區餐廳入面算抵食嘅。