天仁茗茶 (荃灣千色匯I)

營業中

休息中

超級鍾意飲珍珠奶茶嘅我，真係去到邊都會想飲，而當中我嘅最愛非天仁莫屬，多分店，水準高，會好認真咁沖飲品。雖然其實我都幾鍾意茶湯會，但有時又唔係好就腳，同埋啲珍珠比較細，好難咬。荃灣千色店呢間成日都飲，so far so good，就算好多人排隊，我又諸多要求，都仲沖得好好。呢日比較夜去，綠茶冇哂，所以轉左飲913奶茶～食餃子食到好飽，飲下烏龍茶消下濟都好。茶味香濃，好飲回甘不回苦，叫無糖剛剛好，咁先突顯到茶味。雖然唔係鮮奶茶，但奶味都好濃，亦都唔粉，其實都唔係好覺係奶精黎。坐左陣見到員工拎掃把出黎清潔，睇一睇先發現原來夠鐘收工，但職員都好好，冇做任何舉動趕我地走。