吉豚屋吉列豬扒專門店 (已結業)

我竟然而家先發現呢間咁好味既豬扒店！🐷🐷同朋友行尖沙咀 唔知食乜嘢好 佢問我想唔想食豬扒飯 就帶咗我去呢一間野～一入間鋪頭已經覺得好有日本嘅味道而且價錢都唔算話好貴 晚餐來講都接受到嘢食嚟到之後 份量都幾多 見到豬扒亦都係新鮮即炸~🤤外層脆卜卜 d肉亦都好紮實 唔會林啤啤反而我最驚喜嘅係 平時食呢啲日本飯半送嘅椰菜 不嬲都係敬而遠之 但朋友幫我淋左啲沙律汁 同我講呢到既椰菜比其他餐廳好食好多🧐🧐食落口真係好新鮮爽脆 最緊要係個汁甜甜酸酸真係幫左好多👻最後我同朋友都係食到一乾二淨先離開～雖然間鋪頭有啲似快餐店嘅格局 但係亦都唔會催人走可以食得好安心下次嚟尖沙咀一定會再嚟食🥳🥳