OWLS Coffee (已結業)

之前早餐時間黎過，覺得佢嘅咖啡同埋牛角酥嘅水準都高，於是今日決定試埋佢嘅腐皮壽司便當。老老實實，第一眼望落去，腦海中已經出現「一陣食乜嘢下午茶」，但係食完又真心飽(當然唔會係好飽嗰隻)，我覺得份量啱啱好。味道方面，雖然食材唔係啲乜嘢特別嘢，但係入口感覺好fresh好清新，加上呢間coffee shop都好坐，所以如果想lunch靜靜地refresh一下就fit晒。另外佢個茶都好味，最驚喜係佢竟然配冰球上，成個feel唔同晒，而且溶得慢啲，唔會令杯茶溝淡晒，真心讚！