Bread and Bistro (已結業)

年尾清大假，呢日專誠入黃竹坑搵朋友食lunch。朋友帶咗我去佢公司樓下一間佢成日食嘅cafe到開餐。Cafe樓底高，門口嘅落地大玻璃透入自然光好舒服，內裡裝修簡潔有型，而且已經有唔同嘅聖誕佈置，充滿節日氣氛😍牛油果蟹肉沙律 $138擺盤靚靚嘅豐富沙律！有大量不同款式嘅新鮮爽甜沙律菜！而且蟹肉嘅份量係超多，一座小山丘咁，食極都有，非常鮮味！酸酸甜甜嘅黑醋汁，食落清新開胃，好fresh好健康！伴碟除咗有車厘茄，仲有薯角，薯角炸得香脆唔油膩，食到停唔到口！卡邦尼意粉 $128卡邦尼好出色！意粉煮得啱啱好！煙韌彈牙！醬汁非常濃厚creamy，而且配料又多又豐富，有大量雜菌同煙肉。焦糖香蕉疏乎厘班戟 $118見到menu就已經決定一定一定要叫梳乎厘！見到實物果然冇令人失望！梳乎厘厚身，質感非常鬆軟，口感濕潤而且充滿蛋香，而家諗起都想返去再食過！焦糖香蕉呢個不敗嘅配撘，毫無疑問，香甜好味！梳乎厘上嘅cream又香又滑，仲有唔少嘅果仁碎，增強香氣，味道同口感！