阿爺八鮮鍋

營業中

休息中

天寒地凍～又難得收早，捉埋老細去打邊爐！！呢間之前都食過，覺得性價比幾高～一坐低，未嗌嘢食就有靚湯飲🥰😍仍然一罐貫水準～好鬼死好味！😋👍🏻店員推介：今日特價海鮮～竟然九蚊一隻瀨尿蝦？？叫夠佢半打，都係六條嘢～抵呀！！🥰🤣🥳仲有free咗個刺身拼盤，賣相非常精美～啲刺身都好新鮮！！當然唔少得新鮮海鮮啦～有龍蝦、扇貝、膏蟹同兩隻鮑魚，上枱仲郁郁下㗎！！椒鹽瀨尿蝦：師傅真係有一手！👍🏻唔知點解可以炸得咁鬆脆～基本上你吞得落可以連殼都食埋！🤭😅調味啱啱😉好肉質鮮嫩，大大隻，性價比超高！！雞煲：揀咗泰式口味，少少辣，好香！應該有半隻份量，味道都唔錯～食完雞煲就打邊爐啦！！有四款湯底可以揀，我哋想試冬陰功湯底。湯入面仲有粟米、蕃茄、菇類……跟住就畫餸啦！佢食物種類款式好多，估唔到蝦滑同墨魚滑都有一手！脆鯇魚腩非常之爽口～蔬菜都好新鮮～叫多碟安格斯牛肉就啱啱好！！非酒精飲品選擇都好多：有茶，有果汁，有汽水，如果想飲啤酒嘅，可以一個價錢任飲！！好彩早到，坐低冇耐陸續有訂位客人上嚟，要walk in有位都真係幾難～下次嚟記得要book位喇！！