匠心廚房 (已搬遷) 新店位置

前排去咗美孚同隻狗去睇獸醫，發現呢條街都幾多嘢食，見呢間裝修好似幾新，就去試吓。可能今日係閒日，人唔係好多，好快就有位了。店內環境幾別緻，枱椅睇得出用心挑選過。店員都好用心機講解佢哋既主打菜式，我哋就點左佢推薦既黑蒜蒸龍躉頭腩 $168果然冇介紹錯😍呢個唔只得魚，原來個底有烏冬，所有精華比個烏冬索曬，每條都好濃厚既黑蒜加微微既魚味，食到同阿爸阿媽搶黎食。龍躉亦蒸得岩岩好，好滑，黑蒜味入曬肉，好香口惹味。此外，個雲耳都好爽口入味，總之每樣都好入味。鮮茄魚湯酸菜魚 $168酸菜魚平時就食得多，反而鮮茄湯底既酸菜魚就第一次食。因為屋企人唔食得辣，所以呢個酸菜魚唔辣，湯底個蕃茄味好濃，質感幾厚身，唔似溝左好多水，同時又會有酸菜味，蕃茄同個酸菜估唔到咁夾。入面既蕃茄都幾多，每個都充滿酸菜味。魚既口感就幾嫩滑，無乜骨，食得幾舒服，兩種酸味夾埋一齊同個魚好配。除咗魚，仲有薯粉，呢個又係成碗既精精所作，彈牙得黎又充滿酸菜蕃茄汁，好開胃。最後個湯大家仲飲曬tim😂😂呢餐幾滿意，除咗環境，服務都好好。家人都食得好滿足，下次會有佢哋黎食。