海港燒鵝海鮮酒家 (已結業)

今日同屋企人去咗海港補祝返母親節，所以決定試吓個養生蒸氣石窩，我哋7個人叫咗個6人全包餐!有10款食品加個粥底，其實都幾夠食，不過見人哋有啲剌身，結果我哋加多咗個鱆紅魚剌身，$280，剌身都幾大盤，賣相都幾靚~最後食淨頭尾同小小魚身，我哋加咗$30用椒鹽整，實行食盡成條魚，無浪費到~~講返個蒸氣石窩，有足料海鮮，啲龍蝦都大大舊，相當美味～至於條沙巴龍躉，肥大肉口，味道亦很鮮甜～另外仲有花膠，蜆，肥牛，蒸雞，菜心等等，味道相當唔錯，大力推介！