佳餚莊

營業中

休息中

有腳傷患，不方便去食自助餐，行來行去又要排隊領取食物，更加唔想家人照顧，代攞食物。今年母親節選擇了馬鞍山泳池的中餐廳，４個大食怪獸叫了６人餐，開開心心坐定定等開飯。第一碟豉油王煎蝦，豉油甜香，蝦剪得乾淨，煎得剛剛好，香噴噴好好味。海皇羮有真翅，不多但有誠意，不咸。帶子鮮甜珊瑚蚌爽口，配大量韮黃，有鑊氣，要俾讚！芝麻雞欠奉喼汁淮鹽雞醬，幸好本身也有鮮雞味，嗜清淡的覺得無問題。大石班一條，再加花膠鮑魚大冬菇，大家都掃清光。最後一碟杞子花膠絲浸娃娃菜，大家都吃得飽飽，全碟打包回家，總消費＄1560連白飯汽水。老闆娘好好人，老闆在廚房忙過不停，小本經營用心做，會再幫襯！