Le French (已結業)

琴日有朋友嚟試咗lunch話夠地道法國味，今日就出去同男朋友食個relaxing brunch。Menu 簡而潔，好易就揀到食咩，有趣嘅事佢嘅Menu係有中文字，好local 果種，唔係好灣仔行外國餐廳路線嘅style (即係囍帖街嗰邊嗰啲)😂😂另帶一提，廚師係法國人。我就叫 All Day Breakfast，沙律菜好新鮮，炒蛋都ok，牛角包稍為燶咗少少，蛋冇得揀太陽蛋定炒蛋有點美中不足。餐飲原本包茶，轉咖啡需要加$10 ，凍飲另加$3 ，我就覺得幾貼地。仲有，加$38叫咗碗法式洋蔥湯，我覺得比起個all day breakfast 更加值得試！我飲哂！Weekend 如果唔想排隊又想坐得舒舒服服，其實呢個都不失為一個好選擇。