牛布拉日式牛肉麵 (已結業)

Top初初開業嘅時候嚟過，見到都有好幾間食肆準備開業，一直都想黎試吓，就趁今日得閒專程過嚟搵一間餐廳嚟食。泥牛布拉，好明顯就係俾佢嘅牛蓋飯吸引。打開Menu，原來仲有丼飯同卷物，啱晒我哋呢啲有選擇困難症，一次可以滿足晒兩個願望。同唔熟唔食嘅朋友黎都非常適合，佢食熟食，我食魚生，完全冇衝突🥳🥳雜錦魚生爆丼$128果然好爆🤩🤩360度鋪滿成個碗，款式又多，有三文魚、三文魚子、蝦、油甘魚、白魚、北寄貝、帶子、吞拿魚、魷魚、玉子，足足有十款咁多。老老豆豆，好新鮮又唔算，但CP值高。咪睇佢細細碗，份量十足而且每粒飯都已經好似江户前壽司甘用豉油撈好，非常平均，就算魚生唔點豉油都冇問題👍🏻👍🏻牛布拉伴麵$118同樣勁爆份量，牛肉大大塊，肉味濃。上面唧左日式沙律醬，但唔加都無問題，牛肉本身已經好夠味。伴麵好有嚼頭，撈埋旁邊既肉醬一齊食特別好味。炸軟殼蟹$42應該係煮熟後再返炸，上枱時好夠熱，但係一啲都唔脆，而且好細舊，扁tat tat，似蟹餅多啲🙈🙈