影片
更多
2023-02-25
426 瀏覽
去食嘅係松葉蟹宮崎和牛放題brunch 松葉蟹，冇問題，宮崎牛，以冷盤嘅形式出現， 和牛凍食，大概可以想像應該唔係太過吸或好味，只係叫咗一客，就冇再食。另外， 送上一個和牛壽喜燒，味道太甜，所以只係食咗一口就沒有再去。（可能我係大鄉里，咁呢個只係我食唔慣）魚生，是甜美的，新鮮。但係種類選擇少，應該唔會多個五款。其餘食物嘅選擇，非常少，當然睇吓你同邊個比較，但係同所有呢個價位放題比較，佢都係好少。餐廳嘅服務員，九成係好有禮貌。但係你睇得出，佢哋唔係高質，訓練亦都有問題。例子一，佢攞枝豆俾你嘅時候，另外會附上一個器皿，俾你盛截枝豆嘅皮。但係，會擺到兩個萬丈遠，而且幾次都係咁，可見得佢哋係有位置就放，唔會細心啲，將佢哋擺埋一齊例子二，上甜品嘅時候，由於甜品碟係非常之巨大，服務員，並無將枱上已經食完嘅食物及器皿收走，而係就咁硬攝一個位置放低甜品碟。最搞笑嘅係，甜品差唔多已經食完，仲有大概半個鐘就要關門嘅時候，店員先至會同你清理枱上面嘅器皿。例子三，有一個楊貴妃身形嘅女服務員，溫馨提示我就嚟截單，仲有冇嘢要叫，我見距離截單嘅時間仲有至少45分鐘，所以話遲啲先，佢反射性馬上反白眼。我特別記得佢㗎，
松葉蟹，冇問題，宮崎牛，以冷盤嘅形式出現， 和牛凍食，大概可以想像應該唔係太過吸或好味，只係叫咗一客，就冇再食。另外， 送上一個和牛壽喜燒，味道太甜，所以只係食咗一口就沒有再去。（可能我係大鄉里，咁呢個只係我食唔慣）
魚生，是甜美的，新鮮。但係種類選擇少，應該唔會多個五款。
其餘食物嘅選擇，非常少，當然睇吓你同邊個比較，但係同所有呢個價位放題比較，佢都係好少。
餐廳嘅服務員，九成係好有禮貌。但係你睇得出，佢哋唔係高質，訓練亦都有問題。
例子一，佢攞枝豆俾你嘅時候，另外會附上一個器皿，俾你盛截枝豆嘅皮。但係，會擺到兩個萬丈遠，而且幾次都係咁，可見得佢哋係有位置就放，唔會細心啲，將佢哋擺埋一齊
例子二，上甜品嘅時候，由於甜品碟係非常之巨大，服務員，並無將枱上已經食完嘅食物及器皿收走，而係就咁硬攝一個位置放低甜品碟。最搞笑嘅係，甜品差唔多已經食完，仲有大概半個鐘就要關門嘅時候，店員先至會同你清理枱上面嘅器皿。
例子三，有一個楊貴妃身形嘅女服務員，溫馨提示我就嚟截單，仲有冇嘢要叫，我見距離截單嘅時間仲有至少45分鐘，所以話遲啲先，佢反射性馬上反白眼。我特別記得佢㗎，因為佢嘅頭髮，絕對似啱啱瞓醒出嚟，都幾凌亂，我以為自己去咗茶餐廳，食車仔麵。其實蘭桂坊嘅餐廳，唔係應該比較注重員工嘅儀容咩，我意思係人均收費呢個級數嗰啲餐廳。
例子三，松葉蟹係比較長，服務員攞嚟俾我哋嘅時候，就咁放低一碟松葉蟹，佢冇諗過放多隻碟，俾我放殼，後來開聲要嘅時候，佢比一個CD 咁大嘅碟，啲長腳蟹，松葉蟹，隻腳好長㗎嘛，咁咪會伸展晒出嚟囉， CD咁大嘅碟，如何盛？
講返環境，係的確闊落，兩個人，但係坐四人枱，
但唔會介紹俾朋友，自己亦都唔會再去，寧願去附近嘅碗屋，雖然地方係迫啲，嘈啲，但係食物質素多好多，都幾好食，啲店員雖然唔會對你笑，但其實有效率亦都deliver 到，我去咗碗屋，至少20年，好多店員都係同一批，證明餐廳嘅管理同老闆對佢哋應該唔錯。
張貼