花朝軒 (已結業)

第一次嚟到呢間餐廳，見佢都唔少人，就即管試吓佢。一坐低，我哋叫咗一個二人餐，之後夥計先放低兩碟花生，承為$40。等左45分鐘，終於有野食。我地呢個套餐明明係西蘭花炒帶子，但上菜變左碟菜芯。只係交低一句，冇曬西蘭花。呢D係乜野服務？難道你放低乜嘢我都要接受？😡再等30分鐘，又黎多一碟餸，今次係煎銀雪魚配一碟沙律醬。特別之處係，沙律醬係”益”左嘅怪味。總括而言，味道還可以，但服務確係麻麻。如果要我花兩個鐘頭去食呢餐飯，我絕對唔會再幫襯。