三郎麵燒屋 (已結業)

今晚本來730要返學，陳老師話怕我又逃學，要陪我食飯兼送我返學。咁好嘅姊妹陪伴，更係揾啲好嘢食下。揾到呢間嘢，咁搞笑，又車仔麵又串燒 (都係我吃貨小熊嘅飛彿) ，就去試下啦。一向對長沙灣食店情有獨鍾，細個呢頭讀書，有好多有質素嘅小店，所以經常喺呢頭出沒。講返三郎先，因為唔太肚餓，所以只叫左串燒類，先有小熊嘅至愛金菇肥牛卷、有陳老師喜愛嘅雞潤、大家都想食嘅蒜蓉茄子同羊架。第二輪叫左豬頸肉，九菜，牛柳粒，牛舌，雞腎，同再encore 金菇肥牛卷。除左雞腎咬唔開之外，其他食物都唔錯。以上食物加埋兩啤酒一汽水都係$198，邊度揾吖。