冧廚 (已結業)

我食野不嬲都鍾意好多選擇，呢度啱曬我，百幾蚊可以試晒雞煲，火鍋同韓燒，仲有好多小食，咖哩魚蛋，泰式鳳爪，經典既茶餐廳薯條(咁岩遇到新鮮整起勁好食😂👏)，芒果布甸，豆腐花等等😁我同男友一開始叫咗個走辣雞煲，賣相幾吸引，雞件好滑， 個人認為湯底有少少沙爹同啲花椒八角香料味，都幾惹味👍食到一半就加咗湯底打邊爐， 有一般打邊爐都會見到嘅菇類，肥牛，丸類，餃類等等，索曬湯底好好食嘅芋絲當然唔少得😀 粟米都好甜，韭菜餃個皮好薄裏面好足料👍👍最後就係韓燒，估唔到三合一咁樣食法兼且係工廈裡面都有咁純正嘅韓燒抽風系統😂 韓燒有雞腎，豬軟骨，豬扒，牛肋骨等等，仲有我好中意既超甜蕃薯仔👏👏 正！真心抵食😁