影片
更多
2019-04-22
560 瀏覽
假期先嚟陰天，決定尋找特色美食補償返心靈上嘅損失。偶爾經過iSqaure先發現原來別有洞天，25/F - 31/F 仲有好多好嘢食今次先試吓位於 28/F 嘅日式料理：割烹 櫓杏一入去就好似置身日本咁，仲被安排窗邊位置，望住海景，好天嚟的話一定賞心悅目經理介紹嗰時先知原來呢度只會用九州、熊本嘅食材，甚至連水都由熊本運嚟！如果「思鄉」嘅朋友，就可以喺香港試到鄉下嘅味道啦～為咗試多幾款熊本名物，今次揀咗 熊本地道特色御膳，一次過滿足幾個願望非常豐富嘅午餐，分別可以試到熊本唔同嘅鄉土料理同一品料理先介紹最特別嘅一品料理一文字長蔥卷 配酸醋味噌：平時唔食蔥嘅我都覺得呢款蔥味好香，配合酸酸地嘅味噌，非常開胃即炸辛子蓮藕：十粒星推介 之前喺熊本見到辛子有啲驚，因為本身唔食得辣呢款經過改良，蓮藕入面釀咗比較無咁辣嘅味噌再拎去炸，唔油膩之餘蓮藕都好爽脆，好想再encore！熊本蔬菜三瀨雞粉團湯：另一個必試之選唔好睇佢細細碗，成碗湯餸多過湯咁濟，非常足料！熊本盛產蔬果，呢一碗就可以試到係有幾新鮮；粉團亦好有𡁻口，配合好有鮮味嘅湯底，依家諗起都仲回味緊高菜飯：味道類似梅菜，不過更鮮甜，亦好開胃，不知不覺就
偶爾經過iSqaure先發現原來別有洞天，25/F - 31/F 仲有好多好嘢食
今次先試吓位於 28/F 嘅日式料理：割烹 櫓杏
一入去就好似置身日本咁，仲被安排窗邊位置，望住海景，好天嚟的話一定賞心悅目
經理介紹嗰時先知原來呢度只會用九州、熊本嘅食材，甚至連水都由熊本運嚟！如果「思鄉」嘅朋友，就可以喺香港試到鄉下嘅味道啦～
為咗試多幾款熊本名物，今次揀咗 熊本地道特色御膳，一次過滿足幾個願望
熊本地道特色御膳
$348
23 瀏覽
0 讚好
0 留言
非常豐富嘅午餐，分別可以試到熊本唔同嘅鄉土料理同一品料理
先介紹最特別嘅一品料理一文字長蔥卷 配酸醋味噌：平時唔食蔥嘅我都覺得呢款蔥味好香，配合酸酸地嘅味噌，非常開胃
即炸辛子蓮藕：十粒星推介 之前喺熊本見到辛子有啲驚，因為本身唔食得辣
呢款經過改良，蓮藕入面釀咗比較無咁辣嘅味噌再拎去炸，唔油膩之餘蓮藕都好爽脆，好想再encore！
熊本蔬菜三瀨雞粉團湯：另一個必試之選唔好睇佢細細碗，成碗湯餸多過湯咁濟，非常足料！
熊本盛產蔬果，呢一碗就可以試到係有幾新鮮；粉團亦好有𡁻口，配合好有鮮味嘅湯底，依家諗起都仲回味緊
高菜飯：味道類似梅菜，不過更鮮甜，亦好開胃，不知不覺就食晒成碗嚕
刺身盛合：拖羅腩嘅脂肪分佈平均，就咁兩片刺身已經值回票價！熊本阿蘇產莫札特蔬菜沙津：聽音樂大嘅蔬菜你食過未？每一啖都好Fresh，而且有多種蔬菜，食落口感好豐富
時令水果 — 柚子：作為飯後果，睇落平凡嘅柚子絕對比到你驚喜！甘甘甜甜，為郁悶嘅陰天假期午餐完美作結
臨走嘅時候，仲可以選購來自九州熊本嘅瓷器同蔬果，將日本嘅味道帶返屋企！割烹 櫓杏 真係將熊本完美咁搬到嚟香港，係少有可以咁傳神可以喺日本以外食到嘅日式料理啊 推介
張貼
