咖喱邦 (已結業)

喺沙田搵食雖然唔難，不過要搵啱食嘅就一啲都唔容易不過今晚我地就搵到間啱食嘅餐廳喇🥘呢度主打食咖哩，分別有日本🇯🇵泰國🇹🇭印度🇮🇳同新加坡🇸🇬四個唔同國家嘅咖哩，每款咖哩都配搭唔同嘅主菜，而每款咖哩仲有5個辣度可以揀😋我地今晚就叫咗新加坡咖哩配雞扒飯同印度咖哩配牛扒蛋包飯。新加坡咖哩甜甜地，加上用香茅處理過嘅雞扒，阿女都話好味，仲有兩塊勁大嘅炸蝦餅，見到都開心晒，一咬落去仲要係脆嘅，正👍🏻而印度咖哩牛扒蛋包飯，雖然我地只係點咗2度辣度，但係咖哩已經好夠辣，牛扒煎至7成熟，點解咁熟呢？到點咖哩嘅時候就明喇，因為唔會有血水影響咖哩嘅味道，蛋包飯整得好靚，分量又足，夠晒食❤️另外我地仲叫咗2串串燒，芝士翠玉瓜同印度烤羊肉🍢翠玉瓜上有芝士同蕃茄莎莎醬，清清地，平衡返口味。烤羊肉嘅調味做得好好，再加上青瓜絲，會好自然咁一啖接一啖咁食。飲品方面我地叫咗青邦邦同黃邦邦，佢地分別係青蘋果梳打加啫喱，另一杯就係自家製菊花蜜，荔枝加啫喱同梳打，兩杯都好refreshing🍹至於甜品我地就叫咗棉花糖大作戰，到底係咩嚟呢？原來係用棉花糖加上唔同配料，包括乾果，朱古力彩針，爆谷同可可米等等，再加上不同醬料自己DIY