同撈同煲 (堅拿道西)

營業中

休息中

同朋友行開街唔知食咩，跟住朋友行過話推介呢間打邊爐超正就去試一試啦。食完之後真係冇介紹錯，值得一試。先講吓個湯底，我哋叫咗桃膠雞湯，湯底係由成隻雞再加好多桃膠煲，店員推薦我哋先飲湯之後再打邊爐，個湯底真係非常濃郁超正。牛肉就睇相都知好唔好食， 日本飛驒牛係可以直接生食用都得，嗰浸油脂香味真係冇得彈。另外封門柳好重肉味，亦有咬口非常正。小食方面老友鬼鬼係由墨魚滑再擺喺油炸鬼度炸成，非常香口。另外佢呢度嘅點心係需要打邊爐咁整熱，別有一番風味。